Taittiriyabrahmana 3.7.11.5

3.7.11.5

ā́pyāyaya harivo várdhamānaḥ /
yadā́ stotṛ́bhyo máhi gotrā́ rujā́si /
bhūyiṣṭhabhā́jo ádha te syāma /
ánājñātaṃ yád ā́jñātam /
yajñásya kriyáte míthu /
ágne tád asya kalpaya /
tvám̐ hí véttha yathātathám /
púruṣasaṃmito yajñáḥ /
yajñáḥ púruṣasaṃmitaḥ /
ágne tád asya kalpaya /
tvám̐ hí véttha yathātathám /
yát pākatrā́ mánasā dīnádakṣā ná /
yajñásya manváte mártāsaḥ /
agníṣ ṭad dhótā kratuvíd vijānán /
yájiṣṭho devā́m̐ ṛtuśó yajāti //