Taittiriyabrahmana 3.7.3.5
Taittirīyabrāhmaṇa 3.7.3.5
- Language
- Sanskrit
3.7.3.5
yā́m evā́psv ā́hutiṃ juhuyā́t /
tā́ṃ páricakṣīta /
tásmād ā́po ná paricákṣyāḥ /
médhyā ca vā́ etásyāmedhyā́ ca tanúvau sám̐sṛjyete /
yásya_ā́hitāgner anyáir agníbhir agnáyaḥ sam̐sṛjyánte /
agnáye vívicaye puroḍā́śam aṣṭā́kapālaṃ nírvapet /
médhyāṃ ca_evā́syāmedhyā́ṃ ca tanúvau vyā́vartayati /
agnáye vratápataye puroḍā́śam aṣṭā́kapālaṃ nírvapet /
agním evá vratápatim̐ svéna bhāgadhéyena_úpadhāvati /
sá eváinaṃ vratám ā́lambhayati //
Commentaries (1)
- Taittirīyabrāhmaṇabhāṣya (Sāyaṇa) — Sāyaṇa, Sanskrit