Taittiriyabrahmana 3.7.3.7

3.7.3.7

agnír íty āha /
agnír vái retodhā́ḥ /
réta evá tád dadhāti /
índra íty āha /
indriyám evā́smin dadhāti /
tváṣṭā_íty āha /
tváṣṭā vái paśūnā́m mithunā́nām̐ rūpakṛ́t /
rūpám evá paśúṣu dadhāti /
bṛhaspátir íty āha /
bráhma vái devā́nāṃ bṛ́haspátiḥ /
bráhmaṇā_evā́smai prajā́ḥ prájanayati /
pṛthivyā́m ávacuścota_etád íty āha /
asyā́m evá_enat prátiṣṭhāpayati nā́bhí prā́pnoti nírṛtiṃ parācáir íty āha /
rákṣasām ápahatyai //