Taittiriyakathaka 2.40

2.40

yo ha̱ vai mu̍hū̱rtāno̍ṃ nāma̱dheyā̍ni̱ veda̍
na mu̍hū̱rteṣvārti̍mācchati | ci̱traḥ ke̱turdā̱tā pra̍dā̱tā
sa̍vi̱tā pra̍savi̱tā'bhi̱śāstā'nu̍ma̱nteti̍ | e̱te'nu̍vā̱kā mu̍hū̱rtāno̍ṃ nāma̱dheyā̍ni | na mu̍hū̱rteṣvārti̍mācchati | ya e̱vaṃ veda̍ | yo ha̱ vā a̍rdhamā̱sānā̍ṃ ca̱
māsā̍ṃnāṃ ca nāma̱dheyā̍ni̱ veda̍ | nārdha̍mā̱seṣu̱ na māseṣvārti̍mācchati | pa̱vitra̍ṃ pavayi̱ṣyantsa̱hasvā̍ntsahī̍yānaru̱ṇo̍'ru̱ṇara̍jā̱ iti̍ | e̱te'nu̍vā̱kā a̍rdhamā̱sānā̍ṃ ca̱ māsā̍ṃnāṃ ca nāma̱dheyā̍ni