Atharvaveda 13: kāṇḍaṃ 13

Atharvaveda 13

Language: Sanskrit

13.0 — 9 parts
13.1 — 60 parts
13.2 — 46 parts
13.3 — 25 parts
13.4 — 14 parts
13.5 — 9 parts
13.6 — 7 parts
13.7 — 17 parts
13.8 — 6 parts
13.9 — 5 parts

kāṇḍaṃ 13

13.0.p1

13.1
udehi vājin yo apsvantaridaṃ rāṣṭraṃ pra viśa sūnṛtāvat.
yo rohito viśvamidaṃ jajāna sa tvā rāṣṭrāya subhṛtaṃ bibhartu ..1..

13.0.p2

udvāja ā gan yo apsvantarviśa ā roha tvadyonayo yāḥ .
somaṃ dadhāno'pa oṣadhīrgāścatuṣpado dvipada ā veśayeha ..2..

13.0.p3

yūyamugrā marutaḥ pṛśnimātara indreṇa yujā pra mṛṇīta śatrūn .
ā vo rohitaḥ śṛṇavatsudānavastriṣaptāso marutaḥ svādusaṃmudaḥ ..3..

13.0.p4

ruho ruroha rohita ā ruroha garbho janīnāṃ januṣāmupastham .
tābhiḥ saṃrabdhamanvavindan ṣaḍurvīrgātuṃ prapaśyann iha rāṣṭramāhāḥ ..4..

13.0.p5

ā te rāṣṭramiha rohito'hārṣīdvyāsthan mṛdho abhayaṃ te abhūt.
tasmai te dyāvāpṛthivī revatībhiḥ kāmaṃ duhātāmiha śakvarībhiḥ ..5..

13.0.p6

rohito dyāvāpṛthivī jajāna tatra tantuṃ parameṣṭhī tatāna .
tatra śiśriye'ja ekapādo'dṛṃhaddyāvāpṛthivī balena ..6..

13.0.p7

rohito dyāvāpṛthivī adṛṃhattena sva stabhitaṃ tena nākaḥ .
tenāntarikṣaṃ vimitā rajāṃsi tena devā amṛtamanvavindan ..7..

13.0.p8

vi rohito amṛśadviśvarūpaṃ samākurvāṇaḥ praruho ruhaśca .
divaṃ rūḍhvā mahatā mahimnā saṃ te rāṣṭramanaktu payasā ghṛtena ..8..

13.0.p9

yāste ruhaḥ praruho yāsta āruho yābhirāpṛṇāsi divamantarikṣam .
tāsāṃ brahmaṇā payasā vavṛdhāno viśi rāṣṭre jāgṛhi rohitasya ..9..

13.10

yaste viśastapasaḥ saṃbabhūvurvatsaṃ gāyatrīmanu tā ihāguḥ .
tāstvā viśantu manasā śivena saṃmātā vatso abhyetu rohitaḥ ..10..

13.11

ūrdhvo rohito adhi nāke asthādviśvā rūpāṇi janayan yuvā kaviḥ .
tigmenāgnirjyotiṣā vi bhāti tṛtīye cakre rajasi priyāṇi ..11..

13.12

sahasraśṛṅgo vṛṣabho jātavedā ghṛtāhutaḥ somapṛṣṭhaḥ suvīraḥ .
mā mā hāsīn nāthito nettvā jahāni gopoṣaṃ ca me vīrapoṣaṃ ca dhehi ..12..

13.13

rohito yajñasya janitā mukhaṃ ca rohitāya vācā śrotreṇa manasā juhomi .
rohitaṃ devā yanti sumanasyamānāḥ sa mā rohaiḥ sāmityai rohayatu ..13..

13.14

rohito yajñaṃ vyadadhādviśvakarmaṇe tasmāttejāṃsyupa memānyāguḥ .
voceyaṃ te nābhiṃ bhuvanasyādhi majmani ..14..

13.15

ā tvā ruroha bṛhatyuta paṅktirā kakubvarcasā jātavedaḥ .
ā tvā rurohoṣṇihākṣaro vaṣaṭkāra ā tvā ruroha rohito retasā saha ..15..

13.16

ayaṃ vaste garbhaṃ pṛthivyā divaṃ vaste'yamantarikṣam .
ayaṃ bradhnasya viṣṭapi svarlokān vyānaśe ..16..

13.17

vācaspate pṛthivī naḥ syonā syonā yonistalpā naḥ suśevā .
ihaiva prāṇaḥ sakhye no astu taṃ tvā parameṣṭhin paryagnirāyuṣā varcasā dadhātu ..17..

13.18

vācaspata ṛtavaḥ pañca ye nau vaiśvakarmaṇāḥ pari ye saṃbabhūvuḥ .
ihaiva prāṇaḥ sakhye no astu taṃ tvā parameṣṭhin pari rohita āyuṣā varcasā dadhātu ..18..

13.19

vācaspate saumanasaṃ manaśca goṣṭhe no gā janaya yoniṣu prajāḥ .
ihaiva prāṇaḥ sakhye no astu taṃ tvā parameṣṭhin paryahamāyuṣā varcasā dadhātu ..19..

13.20

pari tvā dhātsavitā devo agnirvarcasā mitrāvaruṇāvabhi tvā .
sarvā arātīravakrāmann ehīdaṃ rāṣṭramakaraḥ sunṛtāvat..20..

13.21

yaṃ tvā pṛṣatī rathe praṣṭirvahati rohita .
śubhā yāsi riṇann apaḥ ..21..

13.22

anuvratā rohiṇī rohitasya sūriḥ suvarṇā bṛhatī suvarcāḥ .
tayā vājān viśvarūpāṃ jayema tayā viśvāḥ pṛtanā abhi ṣyāma ..22..

13.23

idaṃ sado rohiṇī rohitasyāsau panthāḥ pṛṣatī yena yāti .
tāṃ gandharvāḥ kaśyapā un nayanti tāṃ rakṣanti kavayo'pramādam ..23..

13.24

sūryasyāśvā harayaḥ ketumantaḥ sadā vahantyamṛtāḥ sukhaṃ ratham .
ghṛtapāvā rohito bhrājamāno divaṃ devaḥ pṛṣatīmā viveśa ..24..

13.25

yo rohito vṛṣabhastigmaśṛṅgaḥ paryagniṃ pari sūryaṃ babhūva .
yo viṣṭabhnāti pṛthivīṃ divaṃ ca tasmāddevā adhi sṛṣṭīḥ sṛjante ..25..

13.26

rohito divamāruhan mahataḥ paryarṇavāt.
sarvo ruroha rohito ruhaḥ ..26..

13.27

vi mimīṣva payasvatīṃ ghṛtācīṃ devānāṃ dhenuranapaspṛgeṣā .
indraḥ somaṃ pibatu kṣemo astvagniḥ pra stautu vi mṛdho nudasva ..27..

13.28

samiddho agniḥ samidhāno ghṛtavṛddho ghṛtāhutaḥ .
abhīṣāṭviśvāṣāḍagniḥ sapatnān hantu ye mama ..28..

13.29

hantvenān pra dahatvariryo naḥ pṛtanyati .
kravyādāgninā vayaṃ sapatnān pra dahāmasi ..29..

13.30

avācīnān ava jahīndra vajreṇa bāhumān .
adhā sapatnān māmakān agnestejobhirādiṣi ..30..

13.31

agne sapatnān adharān pādayāsmadvyathayā sajātamutpipānaṃ bṛhaspate .
indrāgnī mitrāvaruṇāvadhare padyantāmapratimanyūyamānāḥ ..31..

13.32

udyaṃstvaṃ deva sūrya sapatnān ava me jahi .
avainān aśmanā jahi te yantvadhamaṃ tamaḥ ..32..

13.33

vatso virājo vṛṣabho matīnāmā ruroha śukrapṛṣṭho'ntarikṣam .
ghṛtenārkamabhyarcanti vatsaṃ brahma santaṃ brahmaṇā vardhayanti ..33..

13.34

divaṃ ca roha pṛthivīṃ ca roha rāṣṭraṃ ca roha draviṇaṃ ca roha .
prajāṃ ca rohāmṛtaṃ ca roha rohitena tanvaṃ saṃ spṛṣasva ..34..

13.35

ye devā rāṣṭrabhṛto'bhito yanti sūryam .
taiṣṭe rohitaḥ samvidāno rāṣṭraṃ dadhātu sumanasyamānaḥ ..35..

13.36

uttvā yajñā brahmapūtā vahantyadhvagato harayastvā vahanti .
tiraḥ samudramati rocase'rṇavam ..36..

13.37

rohite dyāvāpṛthivī adhi śrite vasujiti gojiti saṃdhanājiti .
sahasraṃ yasya janimāni sapta ca voceyaṃ te nābhiṃ bhuvanasyādhi majmani ..37..

13.38

yaśā yāsi pradiśo diśaśca yaśāḥ paśūnāmuta carṣaṇīnām .
yaśāḥ pṛthivyā adityā upasthe'haṃ bhūyāsaṃ saviteva cāruḥ ..38..

13.39

amutra sann iha vetthetaḥ saṃstāni paśyasi .
itaḥ paśyanti rocanaṃ divi sūryaṃ vipaścitam ..39..

13.40

devo devān marcayasyantaścarasyarṇave .
samānamagnimindhate taṃ viduḥ kavayaḥ pare ..40..

13.41

avaḥ pareṇa para enāvareṇa padā vatsaṃ bibratī gaurudasthāt.
sā kadrīcī kaṃ svidardhaṃ parāgātkva svitsūte nahi yūthe asmin ..41..

13.42

ekapadī dvipadī sā catuṣpadyaṣṭāpadī navapadī babhūvuṣī .
sahasrākṣarā bhuvanasya paṅktistasyāḥ samudrā adhi vi kṣaranti ..42..

13.43

ārohan dyāmamṛtaḥ prāva me vacaḥ .
uttvā yajñā brahmapūtā vahantyadhvagato harayastvā vahanti ..43..

13.44

veda tatte amartya yatta ākramaṇaṃ divi .
yatte sadhasthaṃ parame vyoman ..44..

13.45

sūryo dyāṃ sūryaḥ pṛṭhivīṃ sūrya āpo'ti paśyati .
sūryo bhūtasyaikaṃ cakṣurā ruroha divaṃ mahīm ..45..

13.46

urvīrāsan paridhayo vedirbhūmirakalpata .
tatraitāvagnī ādhatta himaṃ ghraṃsaṃ ca rohitaḥ ..46..

13.47

himaṃ ghraṃsaṃ cādhāya yūpān kṛtvā parvatān .
varṣājyāvagnī ījāte rohitasya svarvidaḥ ..47..

13.48

svarvido rohitasya brahmaṇāgniḥ samidhyate .
tasmādghraṃsastasmāddhimastasmādyajño'jāyata ..48..

13.49

brahmaṇāgnī vāvṛdhānau brahmavṛddhau brahmāhutau .
brahmeddhāvagnī ījāte rohitasya svarvidaḥ ..49..

13.50

satye anyaḥ samāhito'psvanyaḥ samidhyate .
brahmeddhāvagnī ījāte rohitasya svarvidaḥ ..50..

13.51

yaṃ vātaḥ pariśumbhati yaṃ vendro brahmaṇaspatiḥ .
brahmeddhāvagnī ījāte rohitasya svarvidaḥ ..51..

13.52

vediṃ bhūmiṃ kalpayitvā divaṃ kṛtvā dakṣiṇām .
ghraṃsaṃ tadagniṃ kṛtvā cakāra viśvamātmanvadvarṣeṇājyena rohitaḥ ..52..

13.53

varṣamājaṃ ghraṃso agnirvedirbhūmirakalpata .
tatraitān parvatān agnirgīrbhirūrdhvāmakalpayat..53..

13.54

gīrbhirūrdhvān kalpayitvā rohito bhūmimabravīt.
tvayīdaṃ sarvaṃ jāyatāṃ yadbhūtaṃ yacca bhāvyam ..54..

13.55

sa yajñaḥ prathamo bhūto bhavyo ajāyata .
tasmāddha jajña idaṃ sarvaṃ yatkiṃ cedaṃ virocate rohitena ṛṣiṇābhṛtam ..55..

13.56

yaśca gāṃ padā sphurati pratyaṅsūryaṃ ca mehati .
tasya vṛścāmi te mūlaṃ na chāyāṃ karavo'param ..56..

13.57

yo mābhichāyamatyeṣi māṃ cāgniṃ cāntarā .
tasya vṛścāmi te mūlaṃ na chāyāṃ karavo'param ..57..

13.58

yo adya deva sūrya tvāṃ ca māṃ cāntarāyati .
duṣvapnyaṃ tasmiṃ chamalaṃ duritāni ca mṛjmahe ..58..

13.59

mā pra gāma patho vayaṃ mā yajñādindra sominaḥ .
mānta sthurno arātayaḥ ..59..

13.60

yo yajñasya prasādhanastanturdeveṣvātataḥ .
tamāhutamaśīmahi ..60..

13.60_10

13.2
udasya ketavo divi śukrā bhrājanta īrate .
ādityasya nṛcakṣaso mahivratasya mīḍhuṣaḥ ..1..

13.60_11

diśāṃ prajñānāṃ svarayantamarciṣā supakṣamāśuṃ patayantamarṇave .
stavāma sūryaṃ bhuvanasya gopāṃ yo raśmibhirdiśa ābhāti sarvāḥ ..2..

13.60_12

yatprāṅpratyaṅsvadhayā yāsi śībhaṃ nānārūpe ahanī karṣi māyayā .
tadāditya mahi tatte mahi śravo yadeko viśvaṃ pari bhūma jāyase ..3..

13.60_13

vipaścitaṃ taraṇiṃ bhrājamānaṃ vahanti yaṃ haritaḥ sapta bahvīḥ .
srutādyamattrirdivamunnināya taṃ tvā paśyanti pariyāntamājim ..4..

13.60_14

mā tvā dabhan pariyāntamājiṃ svasti durgāmati yāhi śībham .
divaṃ ca sūrya pṛthivīṃ ca devīmahorātre vimimāno yadeṣi ..5..

13.60_15

svasti te sūrya carase rathāya yenobhāvantau pariyāsi sadyaḥ .
yaṃ te vahanti harito vahiṣṭhāḥ śatamaśvā yadi vā sapta bahvīḥ ..6..

13.60_16

sukhaṃ sūrya rathamaṃśumantaṃ syonaṃ suvahnimadhi tiṣṭha vājinam .
yaṃ te vahanti harito vahiṣṭhāḥ śatamaśvā yadi vā sapta bahvīḥ ..7..

13.60_17

sapta sūryo harito yātave rathe hiraṇyatvacaso bṛhatīrayukta .
amoci śukro rajasaḥ parastādvidhūya devastamo divamāruhat..8..

13.60_18

utketunā bṛhatā deva āgann apāvṛktamo'bhi jyotiraśrait.
divyaḥ suparṇaḥ sa vīro vyakhyadaditeḥ putro bhuvanāni viśvā ..9..

13.60_19

udyan raśmīn ā tanuṣe viśvā rupāṇi puṣyasi .
ubhā samudrau kratunā vi bhāsi sarvāṃllokān paribhūrbhrājamānaḥ ..10..

13.60_20

pūrvāparaṃ carato māyayaitau śiśū krīḍantau pari yāto'rṇavam .
viśvānyo bhuvanā vicaṣṭe hairaṇyairanyaṃ harito vahanti ..11..

13.60_21

divi tvāttriradhārayatsūryā māsāya kartave .
sa eṣi sudhṛtastapan viśvā bhūtāvacākaśat..12..

13.60_22

ubhāvantau samarṣasi vatsaḥ saṃmātarāviva .
nanvetaditaḥ purā brahma devā amī viduḥ ..13..

13.60_23

yatsamudramanu śritaṃ tatsiṣāsati sūryaḥ .
adhvāsya vitato mahān pūrvaścāparaśca yaḥ ..14..

13.60_24

taṃ samāpnoti jūtibhistato nāpa cikitsati .
tenāmṛtasya bhakṣaṃ devānāṃ nāva rundhate ..15..

13.60_25

udu tyaṃ jātavedasaṃ devaṃ vahanti ketavaḥ .
dṛśe viśvāya sūryam ..16..

13.60_26

apa tye tāyavo yathā nakṣatrā yantyaktubhiḥ .
sūrāya viśvacakṣase ..17..

13.60_27

adṛśrann asya ketavo vi raśmayo janāmanu .
bhrājanto agnayo yathā ..18..

13.60_28

taraṇirviśvadarśato jyotiṣkṛdasi sūrya .
viśvamā bhāsi rocana ..19..

13.60_29

pratyaṅdevānāṃ viśaḥ pratyaṅṅudeṣi mānuṣīḥ .
pratyaṅviśvaṃ svardṛśe ..20..

13.60_30

yenā pāvaka cakṣasā bhuraṇyantaṃ janāmanu .
tvaṃ varuṇa paśyasi ..21..

13.60_31

vi dyāmeṣi rajaspṛthvaharmimāno aktubhiḥ .
paśyan janmāni sūrya ..22..

13.60_32

sapta tvā harito rathe vahanti deva sūrya .
śociṣkeśaṃ vicakṣaṇam ..23..

13.60_33

ayukta sapta śundhyuvaḥ sūro rathasya naptyaḥ .
tābhiryāti svayuktibhiḥ ..24..

13.60_34

rohito divamāruhattapasā tapasvī .
sa yonimaiti sa u jāyate punaḥ sa devānāmadhipatirbabhūva ..25..

13.60_35

yo viśvacarṣaṇiruta viśvatomukho yo viśvataspāṇiruta viśvataspṛthaḥ .
saṃ bāhubhyāṃ bharati saṃ patatrairdyāvāpṛthivī janayan deva ekaḥ ..26..

13.60_36

ekapāddvipado bhūyo vi cakrame dvipāttripādamabhyeti paścāt.
dvipāddha ṣaṭpado bhūyo vi cakrame ta ekapadastanvaṃ samāsate ..27..

13.60_37

atandro yāsyan harito yadāsthāddve rūpe kṛṇute rocamānaḥ .
ketumān udyantsahamāno rajāṃsi viśvā āditya pravato vi bhāsi ..28..

13.60_38

baṇmahāmasi sūrya baḍāditya mahāmasi .
mahāṃste mahato mahimā tvamāditya mahāmasi ..29..

13.60_39

rocase divi rocase antarikṣe pataṅga pṛthivyāṃ rocase rocase apsvantaḥ .
ubhā samudrau rucyā vyāpitha devo devāsi mahiṣaḥ svarjit..30..

13.60_40

arvāṅparastātprayato vyadhva āśurvipaścitpatayan pataṅgaḥ .
viṣṇurvicittaḥ śavasādhitiṣṭhan pra ketunā sahate viśvamejat..31..

13.60_41

citrāścikitvān mahiṣaḥ suparṇa ārocayan rodasī antarikṣam .
ahorātre pari sūryaṃ vasāne prāsya viśvā tirato vīryāṇi ..32..

13.60_42

tigmo vibhrājan tanvaṃ śiśāno'raṃgamāsaḥ pravato rarāṇaḥ .
jyotiṣmān pakṣī mahiṣo vayodhā viśvā āsthātpradiśaḥ kalpamānaḥ ..33..

13.60_43

citraṃ devānāṃ keturanīkaṃ jyotiṣmān pradiśaḥ sūrya udyan .
divākaro'ti dyumnaistamāṃsi viśvātārīdduritāni śukraḥ ..34..

13.60_44

citraṃ devānāmudagādanīkaṃ cakṣurmitrasya varuṇasyāgneḥ .
āprāddyāvāpṛthivī antarikṣaṃ sūrya ātmā jagatastasthuṣaśca ..35..

13.60_45

uccā patantamaruṇaṃ suparṇaṃ madhye divastaraṇiṃ bhrājamānam .
paśyama tvā savitāraṃ yamāhurajasraṃ jyotiryadavindadattriḥ ..36..

13.60_46

divaspṛṣṭhe dhāvamānaṃ suparṇamadityāḥ putraṃ nāthakāma upa yāmi bhītaḥ .
sa naḥ sūrya pra tira dīrghamāyurmā riṣāma sumatau te syāma ..37..

13.60_47

sahasrāhṇyaṃ viyatāvasya pakṣau harerhaṃsasya patataḥ svargam .
sa devāntsarvān urasyupadadya saṃpaśyan yāti bhuvanāni viśvā ..38..

13.60_48

rohitaḥ kālo abhavadrohito'gre prajāpatiḥ .
rohito yajñānāṃ mukhaṃ rohitaḥ svarābharat..39..

13.60_49

rohito loko abhavadrohito'tyatapaddivam .
rohito raśmibhirbhūmiṃ samudramanu saṃ carat..40..

13.60_50

sarvā diśaḥ samacaradrohito'dhipatirdivaḥ .
divaṃ samudramādbhūmiṃ sarvaṃ bhūtaṃ vi rakṣati ..41..

13.60_51

ārohan chukro bṛhatīratandro dve rūpe kṛṇute rocamānaḥ .
citraścikitvān mahiṣo vātamāyā yāvato lokān abhi yadvibhāti ..42..

13.60_52

abhyanyadeti paryanyadasyate'horātrābhyāṃ mahiṣaḥ kalpamānaḥ .
sūryaṃ vayaṃ rajasi kṣiyantaṃ gātuvidaṃ havāmahe nādhamānāḥ ..43..

13.60_53

pṛthivīpro mahiṣo nādhamānasya gāturadabdhacakṣuḥ pari viśvaṃ babhūva .
viśvaṃ saṃpaśyantsuvidatro yajatra idaṃ śṛṇotu yadahaṃ bravīmi ..44..

13.60_54

paryasya mahimā pṛthivīṃ samudraṃ jyotiṣā vibhrājan pari dyāmantarikṣam .
sarvaṃ saṃpaśyantsuvidatro yajatra idaṃ śṛṇotu yadahaṃ bravīmi ..45..

13.60_55

abodhyagniḥ samidhā janānāṃ prati dhenumivāyatīmuṣāsam .
yahvā iva pra vayāmujjihānāḥ pra bhānavaḥ sisrate nākamaccha ..46..

13.3
ya ime dyāvāpṛthivī jajāna yo drāpiṃ kṛtvā bhuvanāni vaste .
yasmin kṣiyanti pradiśaḥ ṣaḍurvīryāḥ pataṅgo anu vicākaśīti .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
yasmādvātā ṛtuthā pavante yasmātsamudrā adhi vikṣaranti .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..2..

13.60_57

yo mārayati prāṇayati yasmātprāṇanti bhuvanāni viśvā .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..3..

13.60_58

yaḥ prāṇena dyāvāpṛthivī tarpayatyapānena samudrasya jaṭharaṃ yaḥ piparti .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..4..

13.60_59

yasmin virāṭparameṣṭhī prajāpatiragnirvaiśvānaraḥ saha paṅktyā śritaḥ .
yaḥ parasya prāṇaṃ paramasya teja ādade .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti . ..5..

13.60_60

yasmin ṣaḍurvīḥ pañca diśo adhiśritāścatasra āpo yajñasya trayo'kṣarāḥ .
yo antarā rodasī kruddhaścakṣuṣaikṣata .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti . ..6..

13.60_61

yo annādo annapatirbabhūva brahmaṇaspatiruta yaḥ .
bhūto bhaviṣyatbhuvanasya yaspatiḥ .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti . ..7..

13.60_62

ahorātrairvimitaṃ triṃśadaṅgaṃ trayodaśaṃ māsaṃ yo nirmimīte .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..8..

13.60_63

kṛsṇaṃ niyānaṃ harayaḥ suparṇā apo vasānā divamutpatanti .
ta āvavṛtrantsadanādṛtasya .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti . ..9..

13.60_64

yatte candraṃ kaśyapa rocanāvadyatsaṃhitaṃ puṣkalaṃ citrabhānu yasmintsūryā ārpitāḥ sapta sākam .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..10..

13.60_65

bṛhadenamanu vaste purastādrathaṃtaraṃ prati gṛhṇāti paścāt.
jyotirvasāne sadamapramādam .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti . ..11..

13.60_66

bṛhadanyataḥ pakṣa āsīdrathaṃtaramanyataḥ sabale sadhrīcī .
yadrohitamajanayanta devāḥ .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti . ..12..

13.60_67

sa varuṇaḥ sāyamagnirbhavati sa mitro bhavati prātarudyan .
sa savitā bhūtvāntarikṣeṇa yāti sa indro bhūtvā tapati madhyato divam .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti . ..13..

13.60_68

sahasrāhṇyaṃ viyatāvasya pakṣau harerhaṃsasya patataḥ svargam .
sa devāntsarvān urasyupadadya saṃpaśyan yāti bhuvanāni viśvā .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti . ..14..

13.60_69

ayaṃ sa devo apsvantaḥ sahasramūlaḥ paruśāko attriḥ .
ya idaṃ viśvaṃ bhuvanaṃ jajāna .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti . ..15..

13.60_70

śukraṃ vahanti harayo raghuṣyado devaṃ divi varcasā bhrājamānam .
yasyordhvā divaṃ tanvastapantyarvāṅsuvarṇaiḥ paṭarairvi bhāti .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti . ..16..

13.60_71

yenādityān haritaḥ samvahanti yena yajñena bahavo yanti prajānantaḥ .
yadekaṃ jyotirbahudhā vibhāti .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti . ..17..

13.60_72

sapta yuñjanti rathamekacakrameko aśvo vahati saptanāmā .
trinābhi cakramajaramanarvaṃ yatremā viśvā bhuvanādhi tasthuḥ .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti . ..18..

13.60_73

aṣṭadhā yukto vahati vahnirugraḥ pitā devānāṃ janitā matīnām .
ṛtasya tantuṃ manasā mimānaḥ sarvā diśaḥ pavate mātariśvā .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti . ..19..

13.60_74

saṃyañcaṃ tantuṃ pradiśo'nu sarvā antargāyatryāmamṛtasya garbhe .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..20..

13.60_75

nimrucastisro vyuṣo ha tisrastrīṇi rajāṃsi divo aṅga tisraḥ .
vidmā te agne tredhā janitraṃ tredhā devānāṃ janimāni vidma .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti . ..21..

13.60_76

vi ya aurṇotpṛthivīṃ jāyamāna ā samudramadadhātantarikṣe .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti .
udvepaya rohita pra kṣiṇīhi brahmajyasya prati muñca pāśān ..22..

13.60_77

tvamagne kratubhiḥ ketubhirhito'rkaḥ samiddha udarocathā divi .
kimabhyārcan marutaḥ pṛśnimātaro yadrohitamajanayanta devāḥ .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti . ..23..

13.60_78

ya ātmadā baladā yasya viśva upāsate praśiṣaṃ yasya devāḥ .
yo'syeśe dvipado yaścatuṣpadaḥ .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti . ..24..

13.60_79

ekapāddvipado bhūyo vi cakrame dvipāttripādamabhyeti paścāt.
catuṣpāccakre dvipadāmabhisvare saṃpaśyan paṅktimupatiṣṭhamānaḥ .
tasya devasya kruddhasyaitadāgo ya evaṃ vidvāṃsaṃ brāhmaṇaṃ jināti . ..25..

13.60_80

kṛṣṇāyaḥ putro arjuno rātryā vatso'jāyata .
sa ha dyāmadhi rohati ruho ruroha rohitaḥ ..26..

13.60_81

13.4
sa eti savitā svardivaspṛṣṭhe'vacākaśat..1..

13.60_82

raśmibhirnabha ābhṛtaṃ mahendra etyāvṛtaḥ ..2..

13.60_83

sa dhātā sa vidhartā sa vāyurnabha ucchritam ..3..

13.60_84

so'ryamā sa varuṇaḥ sa rudraḥ sa mahādevaḥ ..4..

13.60_85

so agniḥ sa u sūryaḥ sa u eva mahāyamaḥ ..5..

13.60_86

taṃ vatsā upa tiṣṭhantyekaśīrṣāṇo yutā daśa ..6..

13.60_87

paścātprāñca ā tanvanti yadudeti vi bhāsati ..7..

13.60_88

tasyaiṣa māruto gaṇaḥ sa eti śikyākṛtaḥ ..8..

13.60_89

raśmibhirnabha ābhṛtaṃ mahendra etyāvṛtaḥ ..9..

13.60_90

tasyeme nava kośā viṣṭambhā navadhā hitāḥ ..10..

13.60_91

sa prajābhyo vi paśyati yacca prāṇati yacca na ..11..

13.60_92

tamidaṃ nigataṃ sahaḥ sa eṣa eka ekavṛdeka eva ..12..

13.60_93

ete asmin devā ekavṛto bhavanti ..13..

13.60_94

13.5
kīrtiśca yaśaścāmbhaśca nabhaśca brāhmaṇavarcasaṃ cānnaṃ cānnādyaṃ ca ..14..

13.60_95

ya etaṃ devamekavṛtaṃ veda ..15..

13.60_96

na dvitīyo na tṛtīyaścaturtho nāpyucyate ..16..

13.60_97

na pañcamo na ṣaṣṭhaḥ saptamo nāpyucyate ..17..

13.60_98

nāṣṭamo na navamo daśamo nāpyucyate ..18..

13.60_99

sa sarvasmai vi paśyati yacca prāṇati yacca na ..19..

13.60_100

tamidaṃ nigataṃ sahaḥ sa eṣa eka ekavṛdeka eva ..20..

13.60_101

sarve asmin devā ekavṛto bhavanti ..21..

13.60_102

13.6
brahma ca tapaśca kīrtiśca yaśaścāmbhaśca nabhaśca brāhmaṇavarcasaṃ cānnaṃ cānnādyaṃ ca ..22..

13.60_103

bhūtaṃ ca bhavyaṃ ca śraddhā ca ruciśca svargaśca svadhā ca ..23..

13.60_104

ya etaṃ devamekavṛtaṃ veda ..24..

13.60_105

sa eva mṛtyuḥ so'mṛtaṃ so'bhvaṃ sa rakṣaḥ ..25..

13.60_106

sa rudro vasuvanirvasudeye namovāke vaṣaṭkāro'nu saṃhitaḥ ..26..

13.60_107

tasyeme sarve yātava upa praśiṣamāsate ..27..

13.60_108

tasyāmū sarvā nakṣatrā vaśe candramasā saha ..28..

13.60_109

13.7
sa vā ahno'jāyata tasmādaharajāyata ..29..

13.60_110

sa vai rātryā ajāyata tasmādrātrirajāyata ..30..

13.60_111

sa vā antarikṣādajāyata tasmādantarikṣamajāyata ..31..

13.60_112

sa vai vāyorajāyata tasmādvāyurajāyata ..32..

13.60_113

sa vai divo'jāyata tasmāddyauradhi ajāyata ..33..

13.60_114

sa vai digbhyo'jāyata tasmāddiśo'jāyanta ..34..

13.60_115

sa vai bhūmerajāyata tasmādbhūmirajāyata ..35..

13.60_116

sa vā agnerajāyata tasmādagnirajāyata ..36..

13.60_117

sa vā adbhyo'jāyata tasmādāpo'jāyanta ..37..

13.60_118

sa vā ṛgbhyo'jāyata tasmādṛco'jāyanta ..38..

13.60_119

sa vai yajñādajāyata tasmādyajño'jāyata ..39..

13.60_120

sa yajñastasya yajñaḥ sa yajñasya śiraskṛtam ..40..

13.60_121

sa stanayati sa vi dyotate sa u aśmānamasyati ..41..

13.60_122

pāpāya vā bhadrāya vā puruṣāyāsurāya vā ..42..

13.60_123

yadvā kṛṇoṣyoṣadhīryadvā varṣasi bhadrayā yadvā janyamavīvṛdhaḥ ..43..

13.60_124

tāvāṃste maghavan mahimopo te tanvaḥ śatam ..44..

13.60_125

upo te badhve baddhāni yadi vāsi nyarbudam ..45..

13.60_126

13.8
bhūyān indro namurādbhūyān indrāsi mṛtyubhyaḥ ..46..

13.60_127

bhūyān arātyāḥ śacyāḥ patistvamindrāsi vibhūḥ prabhūriti tvopāsmahe vayam ..47..

13.60_128

namaste astu paśyata paśya mā paśyata ..48..

13.60_129

annādyena yaśasā tejasā brāhmaṇavarcasena ..49..

13.60_130

ambho amo mahaḥ saha iti tvopāsmahe vayam ..50..

13.60_131

ambho aruṇaṃ rajataṃ rajaḥ saha iti tvopāsmahe vayam ..51..

13.60_132

13.9
uruḥ pṛthuḥ subhūrbhuva iti tvopāsmahe vayam ..52..

13.60_133

pratho varo vyaco loka iti tvopāsmahe vayam ..53..

13.60_134

bhavadvasuridadvasuḥ saṃyadvasurāyadvasuriti tvopāsmahe vayam ..54..

13.60_135

namaste astu paśyata paśya mā paśyata ..55..

13.60_136

annādyena yaśasā tejasā brāhmaṇavarcasena ..56..

13.1.1

udehi vājin yo apsvantaridaṃ rāṣṭraṃ pra viśa sūnṛtāvat.
yo rohito viśvamidaṃ jajāna sa tvā rāṣṭrāya subhṛtaṃ bibhartu ..1..

13.1.2

udvāja ā gan yo apsvantarviśa ā roha tvadyonayo yāḥ .
somaṃ dadhāno'pa oṣadhīrgāścatuṣpado dvipada ā veśayeha ..2..

13.1.3

yūyamugrā marutaḥ pṛśnimātara indreṇa yujā pra mṛṇīta śatrūn .
ā vo rohitaḥ śṛṇavatsudānavastriṣaptāso marutaḥ svādusaṃmudaḥ ..3..

13.1.4

ruho ruroha rohita ā ruroha garbho janīnāṃ januṣāmupastham .
tābhiḥ saṃrabdhamanvavindan ṣaḍurvīrgātuṃ prapaśyann iha rāṣṭramāhāḥ ..4..

First 200 of 396 passages. Read on

Linked texts (8)

Śaunakasaṃhitā — Sanskrit
Āpastambaśrautasūtra — Āpastamba, Sanskrit
Aṅgirasī — Sanskrit
Paippalādasaṃhitā — Sanskrit
Pippalādaśākhā — Sanskrit
Vedasandeśa — Viśvabandhu Śāstrin, Sanskrit
Vedopadeśa — Rājārāma, Sanskrit
Ṛgvedabhāṣyabhūmikā — Dayānanda Sarasvatī, Sanskrit

Atharvaveda 13: kāṇḍaṃ 13

Contents

kāṇḍaṃ 13