Pramāṇa · Search · About · API

Atharvaveda 19.45: sūktaṃ 19.45

Atharvaveda 19.45

Language
Sanskrit

sūktaṃ 19.45

19.45.1

19.45
ṛṇādṛṇamiva saṃ naya kṛtyāṃ kṛtyākṛto gṛham .
cakṣurmantrasya durhārdaḥ pṛṣṭīrapi śṛṇāñjana ..1..

19.45.2

yadasmāsu duṣvapnyaṃ yadgoṣu yacca no gṛhe .
anāmagastaṃ ca durhārdaḥ priyaḥ prati muñcatām ..2..

19.45.3

apāmūrja ojaso vāvṛdhānamagnerjātamadhi jātavedasaḥ .
caturvīraṃ parvatīyaṃ yadāñjanaṃ diśaḥ pradiśaḥ karadicchivāste ..3..

19.45.4

caturvīraṃ badhyata āñjanaṃ te sarvā diśo abhayāste bhavantu .
dhruvastiṣṭhāsi saviteva cārya imā viśo abhi harantu te balim ..4..

19.45.5

ākṣvaikaṃ maṇimekaṃ kṛṇuṣva snāhyekenā pibaikameṣām .
caturvīraṃ nairṛtebhyaścaturbhyo grāhyā bandhebhyaḥ pari pātvasmān ..5..

19.45.6

agnirmāgnināvatu prāṇāyāpānāyāyuṣe varcasa ojase .
tejase svastaye subhūtaye svāhā ..6..

19.45.7

indro mendriyeṇāvatu prāṇāyāpānāyāyuṣe varcasa ojase .
tejase svastaye subhūtaye svāhā ..7..

19.45.8

somo mā saumyenāvatu prāṇāyāpānāyāyuṣe varcasa ojase .
tejase svastaye subhūtaye svāhā ..8..

19.45.9

bhago mā bhagenāvatu prāṇāyāpānāyāyuṣe varcasa ojase .
tejase svastaye subhūtaye svāhā ..9..

19.45.10

maruto mā gaṇairavantu prāṇāyāpānāyuṣe varcasa ojase tejase .
svastaye subhūtaye svāhā ..10..

Linked texts (3)