Rigveda 16.1

Ṛgvedabhāṣya (Udgītha) 16.1

Language: Sanskrit

16.1

he indra somamimamasmatpradattaṃ | piba | madhumantaṃ madhusvādūpetaṃ | camū | saptamīdvivacanasya lugatra draṣṭavyaḥ | camvośca manasādhanayoradhiṣavaṇaphalakayorityarthaḥ | sutamabhiṣutaṃ | pītvā ca somam | asme asmāsu | rayiṃ dhanaviśeṣaṃ | kīdṛśaṃ | sahasriṇaṃ sahasrasaṃkhyāyuktaṃ | prabhūtamityarthaḥ | ni dhāraya niyamena sthāpaya | kinnimittaṃ | vaḥ yuṣmākaṃ sarveṣāmeva devānāṃ | vi vividhe somajanyamade nimitte | tvaddattena dhanena yasmādvayaṃ yuṣmadarthe somayāgaṃ punarapi kurmaḥ | tasmādasmabhyamanantaṃ dhanaṃ dehītyarthaḥ | he purūvaso bahudhana | kasmādevamucyase | yasmānmahānbhavasi tvaṃ | yanmahānbhavasi tvam ||§

Previous: 15.7
Next: 16.2
Up: 16

Linked texts (1)

Ṛgvedasaṃhitā — Sanskrit