Rigveda 6.13

6.13

yamī yamaṃ kāmayamānā tena pratyākhyātā satī serṣyantamāha— bata iti nipātaḥ khedānukaṃpayoḥ| bataḥ khinno durbalaḥ| bata anukaṃpyaścāsi | bhavasi tvaṃ he yama ! na eva śabdassamuccaye| na ca te tava| manaḥmanogataṃ saṃkalpamityarthaḥ| hṛdayañca buddhigatamaddhyavasāyañcetyarthaḥ| avidāma vijānīmaḥ | kena kāraṇena | durbala iti athavā jñātantava daurbalyakāraṇaṃ | kimucyate | mattaḥ anyā kācit strī kila tvāṃ śayyāgataṃ ratikole | pari ṣvajāte pariṣvaṃkṣvate | kimiva | kakṣyā iva yuktaṃ | yathā kakṣyā rajjurātmanā yuktaṃ saṃbaddhaṃ gāḍhamaśvaṃ pariṣvajate | evaṃ libujā iva vṛkṣaṃ | yathā ca libujā vallī vṛkṣaṃ gāḍhaṃ pariṣvajate tadvacca | anyasyāṃ kasyāmapi striyāmāsaktatvāt durbalo'si | ata eva ca māṃ pariṣvaktunnecchasītyabhiprāyaḥ ||