Cittiprapathaka 36.1-3

36.1-3

yaśa̍sā saha̱, ṣaṭ ca̍ || anu0 21
atha dvāviṃśo'nuvākaḥ
^{(1)}yāste̍ agne gho̱rāsta̱nuva̍: | kṣucca̍ tṛ̱ṣṇā ca̍ | asu̍k
cānā̍hutiśca | aśa̍nayā ca̍ pipā̱sā ca̍ | sedi̍ścāma̍ti̱śca | e̱tāste̍ agne gho̱rāsta̱nuva̍ḥ | tābhi̍ra̱muṅga̍ccha
yo̱smāndveṣṭi̍ | yañca̍ va̱yandi̱ṣmaḥ(1) || anu0 22
atha trayoviṃśo'nuvākaḥ
(1)srik ca̍ srī̱hiti̍śca̱ srihi̍tiśca | u̱ṣṇā ca̍ śī̱tā ca̍
u̱grā ca̍ bhī̱mā ca̍ | sa̱dāmī̍ se̱dirani̍rā | e̱tāste̍
agne gho̱rāsta̱nuva̍ḥ | tābhi̍ra̱muṅga̍ccha | yo'smāndveṣṭi̍
yañca̍ va̱yandi̱ṣmaḥ(1) || anu0 23
atha caturviṃśo'nuvākaḥ
(1)dhu̱ni̍śca̱ dhvā̱ntaśca̍ dẖvana̍śca̱ dẖvanaya̍m̐śca | ni̱li̱mpaśca̍
vi̱li̱mpaśca̍ vi̱kṣipa̍ḥ(1) || anu0 24
atha pañcaviṃśo'nuvākaḥ
(1)u̱graśca̍ dhu̱ni̍śca̱ dhvā̱ntaśca̍ dẖvana̍śca̱ dẖvanaya̍m̐śca
saha̍sahvām̐̍śca̱ saha̍mānaśca̱ saha̍svām̐̍śca̱ sahayām̐̍śca
etya̱ pretya̍ vikṣi̱paḥ(1) || anu0 25
(1)a̱ho̱rā̱tre tvodī̍rayatāṃ | a̱rdha̱mā̱sāstvodī̍ñjayantu
māsā̍stvā śrapayantu | ṛ̱tava̍stvā pacantu | sa̱ṃva̱tsa̱rastvā̍ hantvasau(1) || anu0 26
(1)khaṭ phaṭ ja̱hi | chi̱ndhī bhi̱ndhī ha̱ndhī kaṭ | iti̍
vācaḥ krū̱rāṇi̍(1) || anu0 27
atha aṣṭāviṃśo'nuvākaḥ
(1)vigā i̍ndra̱ vica̍ra̱ntyāśa̍yasva | svapanta̍mindra
pa̱śumanta̍miccha | vajre̍ṇā̱āmumbodhaya durvidaca̍m | sva̱pato̍'sya
praha̍ra bhoja̍nebhyaḥ(1) | (2)agne̍ a̱gninā̱ saṃva̍dasva | ma̱rtyo
mṛtyunā̱ saṃva̍dasva | nama̍ste astu bhagavaḥ^{(\rho)} | ^{(2)}sa̱kṛtte̱
agne̱ nama̍ḥ | dviste̱ nama̍ḥ | triste̱ nama̍ḥ || catu̱ste nama̍ḥ
pa̱ñcakṛtva̍ste̱ nama̍ḥ | daśa̍kṛtva̍ste̱ nama̍ḥ | śa̱takṛtva̍ste̱ nama̍ḥ | ā̱sa̱ha̱srakṛtva̍ste̱ nama̍ḥ | a̱pa̱ri̱mi̱takṛtva̍ste̱ nama̍ḥ | nama̍ste astu̱ mā mā̍ hig̍ṃsīḥ^{(1)}