tadetadṛcā'bhyanūktam | [ 5 ] tāvanasya mahimā tato jyāyāṃśca pūruṣaḥ | pādo'sya sarvā bhūtāni tripādasyāmṛtaṃ divīti || [ 6 ] || yadvai tad brahmetīdaṃ vāva tadyo'yaṃ bahirdhā puruṣādākāśaḥ

7.p12

yo vai sa bahirdhā puruṣādākāśaḥ || [7] ayaṃ vāva sa yo'yamantaḥ puruṣa ākāśaḥ

7.p13

yo vai so'ntaḥ puruṣa ākāśaḥ || [8] ayaṃ vāva sa yo'yamantarhṛdaya ākāśaḥ

7.p15

pūrṇamapravartinīm̐ śriyaṃ labhate ya evaṃ veda || [9]

7.p16

tasya ha vā etasya hṛdayasya pañca devasuṣayaḥ | sa yo'sya prāṅ suṣiḥ sa prāṇastaccakṣuḥ sa ādityastadetattejo'nnādyamityupāsīta

7.p17

tejasvyannādo bhavati ya evaṃ veda || [1]

7.p18

atha yo'sya dakṣiṇaḥ suṣiḥ sa vyānastacchrotraṃ sa candramāstedetacchīśca yaśaścetyupāsīta

7.p19

śrīmānyaśasvī bhavati ya evaṃ veda || [ 2 ]

7.p20

atha yo'sya pratyaṅ suṣiḥ so'pānaḥ | sā vāk so'gnistadetadbrahmavarcasamannādyamityupāsīta brahmavarcasyannādo bhavati ya evaṃ veda || [ 3 ]

7.p21

atha yo'syodaṅ suṣiḥ sa samānastanmanaḥ sa parjanyastadetatkīrtiśca vyuṣṭiścetyupāsīta | kīrtimān vyuṣṭimān bhavati ya evaṃ veda || [ 4 ]

7.p22

atha yo'syordhvaḥ suṣiḥ sa udānaḥ sa vāyuḥ sa ākāśastadetadojaśca mahaścetyupāsītaujasvī mahasvān bhavati ya evaṃ veda || [ 5 ]

te vā ete pañca brahmapuruṣāḥ svargasya lokasya dvārapāḥ | sa ya etānevaṃ pañca brahmapuruṣān svargasya lokasya dvārapān vedāsya kule vīro jāyate | pratipadyate svargaṃ lokaṃ ya etānevaṃ pañca brahmapuruṣān svargasya lokasya dvārapān veda || [ 6 ]

7.p24

atha yadataḥ paro divo jyotirdīpyate viśvataḥ pṛṣṭheṣu sarvataḥ pṛṣṭheṣvanuttameṣūttameṣu lokeṣvidaṃ vāva tadyadidamasminnantaḥ puruṣe jyotiḥ || [ 7 ]

7.p25

tasyaiṣā dṛṣṭiryatraitadasmiñcharīre sa sparśenoṣṇimānaṃ vijānāti

7.p26

tasyaiṣā śrutiryatraitatkarṇāvapidhāya ninadamiva nadathurivāgneriva jvalata upaśṛṇoti

7.p27

tadetad dṛṣṭaṃ ca śrutaṃ cetyupāsīta

7.p28

cakṣuṣyaḥ śruto bhavati ya evaṃ veda ya evaṃ veda || [8]

7.p29

sarvaṃ khalvidaṃ brahma tajjalāniti śānta upāsīta

7.p30

atha khalu kratumayaḥ puruṣo yathā kraturasmim̐lloke puruṣo bhavati tathetaḥ pretya bhavati sa kratuṃ kurvīta || [ 1 ]

7.p31

manomayaḥ prāṇaśarīro bhārūpaḥ satyasaṃkalpa ākāśātmā sarvakarmā sarvakāmaḥ sarvagandhaḥ sarvarasaḥ sarvamidamabhyātto'vākyanādaraḥ || [ 2 ]

7.p32

eṣa ma ātmā'ntarhṛdaye'ṇīyān

7.p33

vrīhervā yavādvā sarṣapādvā śyāmākādvā śyāmākataṇḍulādvā

7.p34

eṣa ma ātmā'ntarhṛdaye jyāyānpṛthivyā jyāyānantarikṣājjyāyāndivo jyāyānebhyo lokebhyaḥ || [ 3 ]

7.p35

sarvakarmā sarvakāmaḥ sarvagandhaḥ sarvarasaḥ sarvamidamabhyātto'vākyanādara eṣa ma ātmā'ntarhṛdaya etad brahmaitamitaḥ pretyābhisaṃbhavitā'smīti || yasya syādaddhā na vicikitsā'stīti ha smāha śāṇḍilyaḥ śāṇḍilyaḥ || [ 4 ]

7.p36

manomayo'yaṃ śārīra īśo vā prāṇamānase | hṛdayasthityaṇīyaste jīve syustena jīvagāḥ || śāmbavākyagataṃ brahma tadbhitādirapekṣate | prāṇādiyogaścittārthaścintyaṃ brahma prasiddhitaḥ ||¹

7.p37

antarikṣodaraḥ kośo bhūmibudhno na jīryati | diśo hyasya svaktayo dyaurasyottaraṃ bilam || sa eṣa kośo vasudhānastasminviśvamidaṃ śritam || [ 1 ]|| tasya prācī digjuhūrnāma sahamānā nāma dakṣiṇā rājñī nāma pratīcī subhūtā nāmodīcī tāsāṃ vāyurvatsaḥ

7.p38

sa ya etamevaṃ vāyuṃ diśāṃ vatsaṃ veda na putrarodaṃ roditi ||2|| so'hametaṃ vāyuṃ diśāṃ vatsaṃ veda mā putrarodaṃ rudam || [ 2 ]

7.p39

ariṣṭaṃ kośaṃ prapadye'munāmunāmunā, prāṇaṃ prapadye'munāmunā'munā bhūḥ prapadye'munāmunāmunā bhuvaḥ prapadye'munāmunāmunā svaḥ prapadye'munāmunāmunā || [ 3 ]

7.p40

sa yadvocaṃ prāṇaṃ prapadya iti prāṇo vā idaṃ sarvaṃ bhūtaṃ yadidaṃ kiṃ ca tameva tatprāpattiḥ || [ 4 ]|| atha yadvocaṃ bhūḥ prapadya iti pṛthivīṃ prapadye'ntarikṣaṃ prapadye divaṃ prapadya ityeva tadvocam || [ 5 ]|| atha yadvocaṃ bhuvaḥ prapadya ādityaṃ prapadya ityeva tadvocam || [ 6 ]|| atha yadvocam̐ svaḥ prapadya ityṛgvedaṃ prapadye yajurvedaṃ prapadye sāmavedaṃ prapadya ityeva tadvocam tadvocam || [ 7 ]

7.p41

sa yadavocamiti

7.p42

puruṣo vāva yajñaḥ

7.p43

tasya yāni caturviṃśati varṣāṇi tatprātaḥ savanam

7.p44

caturviṃśatyakṣarā gāyatrī | gāyatryaṃ prātaḥsavanam

7.p45

tadasya vasavo'nvāyattāḥ

7.p46

prāṇā vā vasavaḥ

7.p47

ete hīdam̐ sarvaṃ vāsayanti || [ 1 ]

7.p48

taṃ cedetasmin vayasi kiṃcidupatapetsa yad brūyāt

7.p49

prāṇā vasava idaṃ me prātaḥsavanaṃ mādhyandinam̐ savanamanusaṃtanu-teti mā 'haṃ prāṇānāṃ vasūnāṃ madhye yajño vilopsīyeti

7.p50

uddhaiva tata etyagado ha bhavati || [ 2 ]

7.p51

atha yāni catuścatvāriṃśadvarṣāṇi tanmādhyaṃdinaṃ savanam

7.p52

catuścatvāriṃśadakṣarā triṣṭup | traiṣṭubhaṃ mādhyaṃdinaṃ savanam

7.p53

tadasya rudrā anvāyattāḥ

7.p54

prāṇā vā rudrāḥ

7.p55

ete hīdaṃ sarvaṃ rodayanti || [3]

7.p56

taṃ cedetasminvayasi kiṃcidupatapetsa brūyāt

7.p57

prāṇā rudrā imaṃ me mādhyaṃdinaṃ savanaṃ tṛtīyasavanamanusaṃtanuteti māhaṃ prāṇānāṃ rudrāṇāṃ madhye yajñe vilopsīyeti

7.p58

uddhaiva tata etyagado ha bhavati || [ 4 ]

7.p59

atha yānyaṣṭācatvārim̐śadvarṣāṇi tattṛtīyasavanam| aṣṭā-catvārim̐śadakṣarā jagatī| jāgataṃ tṛtīyasavanaṃ tadsyā''dityā anvāyattāḥ prāṇā vāvā''dityā ete hīdam̐ sarvamāddate || [ 5 ] taṃ cedatasminvayasi kiṃcidupatapetsa brūyātprāṇā ādityā idaṃ me tṛtīyasavanamāyuranusaṃtanuteti mā'haṃ prāṇānāmādityānāṃ madhye yajño vilopsīyeti| uddhaiva tata etyagado haiva bhavati || [ 6 ]

Linked texts (15)

Īśādiviṃśottaraśatopaniṣadaḥ — Sanskrit
Chāndogyopaniṣad — Sanskrit
Īśādidvādaśopaniṣadaḥ — Sanskrit
Sāmavedabrāhmaṇānyaṣṭau — Sanskrit
Different Upaniṣads — Sanskrit
Chāndogyopaniṣatkhaṇḍārtha — Sanskrit
Chāndogyopaniṣad C — Rāmānuja Yatirāj, Sanskrit
Mantrapuṣpa — Sanskrit
Upaniṣads — Sanskrit
Īśādyupaniṣadaḥ — Sanskrit
Vedāntasamanvaya — Gurugovinda Rāya, Sanskrit
Aṣṭottaraśatopaniṣadaḥ — Sanskrit
Aṣṭāviṃśatyupaniṣad — Sanskrit
Viṣayavākyadīpikā — Raṅgarāmānuja Muni 1550, Sanskrit
Vedāntaviṣayavākyadīpikā — Raṅgarāmānuja Muni, Sanskrit