Chandogyopanishad C 76

Chāndogyopaniṣad C 76

Language: Sanskrit

76.10 — 1 part

76.1

tadya itthaṃ vidurye ceme'raṇye śraddhā
tapa ityupāsate te'rciṣamabhisaṃbhavanti
arcipo'haraha āpūryamāṇapakṣamapūryamāṇapakṣāyānpaḍudaṅketi māsām̐stān

76.2

māsebhyaḥ saṃvatsaram̐ saṃvatsarādādityamādityāccandramasaṃ candramaso vidyutaṃ tatpuruṣo'mānavaḥ sa enānbrahma gamayati
eṣa devayānaḥ panthā iti

76.3

atha ya ime grāma iṣṭāpūrte dattamityupāsate te dhūmamabhisaṃbhavanti
dhūmādrātrim̐ rātreraparapakṣamaparapakṣāyānpaṅdakṣiṇaiti
māsām̐stānnaite saṃvatsaramabhiprāpnuvanti

76.4

māsebhyaḥ pitṛlokaṃ pitṛlokādākāśamākāśāccandramasam
eṣa somo rājā
taddevānāmannam
taṃ devā bhakṣayanti

76.5

tasmindyāvatsaṃpātamuṣitvā
athaitamevādhvānaṃ punarnivartante yathetam
ākāśamākāśādvāyum
vāyurbhūtvā dhūmo bhavati dhūmo bhūtvā'bhraṃ bhavati

76.6

abhraṃ bhūtvā megho bhavati
megho bhūtvā pravarṣati
ta iha vrīhiyavā oṣadhivanaspatayastilamāṣā iti jāyante
ato vai khalu durniṣprapataram
yo yo hyannamatti yo retaḥ siñcati
tadbhūya eva bhavati

tadya iha ramaṇīyacaraṇā abhyāśo ha yatte ramaṇīyāṃ yonimāpadyeranbrāhmaṇayoniṃ vā kṣatriyayoniṃ vā vaiśyayoniṃ vā'tha ya iha kapūyacaraṇā abhyāśo ha yatte kapūyāṃ yonimāpadyerañśvayoniṃ vā sūkarayoniṃ caṇḍālayoniṃ vā

76.8

athaitayoḥ pathorna katareṇacana tānīmāni kṣudrāṇyasakṛdāvartīni bhūtāni bhavanti jāyasva mriyasvetyetattṛtīyam̐ sthānaṃ tenāsau loko na saṃpūryate
tasmājjugupseta
tadeṣa ślokaḥ