Different Upanishads 146.10
Different Upaniṣads 146.10
- Language
- Sanskrit
146.10
brahma vā idamagra āsot | tadātmānamevāvedahaṃ brahmāsmīti | tasmātatsarvamabhavat | tadyo yo devānāṃ pratyabudhyata sa eva tadabhavat
tatharṣīṇāṃ tathā manuṣyāṇām | taddhaitat paśyannṛṣirvāmadevaḥ pratipede'haṃ
manurabhavaṃ sūryaśceti | tadidamapyetarhi ya evaṃvedāhaṃ brahmāsmīti
sa idaṃ sarvaṃ bhavati | tasya ha na devāśca nābhūtyā īśate | ātmā
hyeṣāṃ sa bhavati | atha yo'nyāṃ devatāmupāste'nyo'sāvanyo'hamasmīti na sa veda yathā paśurevaṃ sa devānām | yathā ha vai
bahavaḥ paśavo manuṣyaṃ bhuñjyurevamekaikaḥ puruṣo devānbhunaktyekasminneva paśāvādīyamāne'priyaṃ bhavati kimu bahuṣu | tasmādeṣāṃ tanna
priyaṃ yadetanmanuṣyā viduḥ