Different Upanishads 157.1

157.1

atha hainaṃ vidagdhaḥ śākalyaḥ papraccha kati devā yājñavalkyeti
sa haitayaiva nividā pratipede yāvanto vaiśvadevasya nividyucyante
trayaśca trī ca śatā trayaśca trī ca sahasretyomiti hovāca
katyeva devā yājñavalkyeti trayastriṃśadityomiti hovāca
katyeva devā yājñavalkyeti ṣaḍityomiti hovāca | katyeva devā
yājñavalkyeti traya ityomiti hovāca | katyeva devā yājñavalkyeti dvāvityomiti hovāca | katyeva devā yājñavalkyetyadhyardhaṃ ityomiti hovāca | katyeva devā yājñavalkyetyeka
ityomiti hovāca | katame ye trayaśca trī ca śatā trayaśca
trī ca sahasreti