Different Upanishads 158.2

158.2

janako ha vaideh āsāñcakre āsanaṃ kṛtavān rājānaṃ draṣṭukāmānāṃ
yatte kaścidabravīcchṛṇavāmetyabravīnme śailinirjitvā brahmeti| yathā mātṛmān pitṛmānācāryavān brūyāttathā tacchailinirabravodvāgvai brahmeti| avadato hi kiṃ syādityabravīttu te tasyāyatanaṃ pratiṣṭhāṃ na me| abravīdityekapādvā etatsamrāḍiti| sa vai no brūhi yājñavalkya| vāgevāyatanamākāśaḥ pratiṣṭhā prajñetyetadupāsīta| kā prajñatā yājñavalkya? vāgeva samrāḍiti hovāca| vācā vai samrāḍ bandhuḥ prajñāyata ṛgvedo yajurvedaḥ sāmavedo'tharvāṅgirasa itihāsaḥ purāṇaṃ vidyā upaniṣadaḥ ślokāḥ sūtrāṇyanuvyākhyānāni vyākhyānānīṣṭaṃ hutamāśitaṃ pāyitamayaṃ ca lokaḥ paraśca lokaḥ sarvāṇi ca bhūtāni vācaiva samrāṭ prajñāyante| vāgvai samrāṭ paramaṃ brahma| nainaṃ vāgjahāti sarvāṇyenaṃ bhūtānyabhikṣaranti| devo bhūtvā devānapyeti ya evaṃ vidvānetadupāste| hastyṛṣabham̐ sahasraṃ dadāmīti hovāca janako vaidehaḥ| sa hovāca yājñavalkyaḥ pitā se'manyata nānanuśiṣya hareteti