Different Upanishads 158.6
Different Upaniṣads 158.6
- Language
- Sanskrit
158.6
yadeva te kaścidabravīttacchṛṇavāmetyabravīnme satyakāmo jābālo
mano vai brahmeti | yathā mātṛmān pitṛmānācāryavān brūyāttathā tajjābālo'bravīnmano vai brahmeti | amanaso hi ki̱m̐
syādityabravīttu te tasyāyatanaṃ pratiṣṭhāṃ na me | abravīdityekapādvā etatsamrāḍiti | sa vai no brūhi yājñavalkya | mana evāyatanamākāśaḥ pratiṣṭhā''nanda ityenadupāsīta | kā''nandatā
yājñavalkya ? mana eva samrāḍitihovāca | manasā vai samrāṭ
striyamabhihāryaṃte tasyāṃ pratirūpaḥ putro jāyate sa ānandaḥ
mano vai samrāṭ paramaṃ brahma nainaṃ mano jahāti sarvaṇyenaṃ bhūtānyabhikṣaranti devo bhūtvā devānapyeti ya evaṃ vidvānetadupāste
hastyṛṣabha̱m̐ sahasraṃ dadāmīti hovāca janako vaidehaḥ | sa hovāca
yājñavalkyaḥ pitā me'manyata nānuśiṣya hareteti