Different Upanishads 31.7
Different Upaniṣads 31.7
- Language
- Sanskrit
31.7
asadvā idamagra āsīt | tato vai sadajāyata
tadātmānaṃ svayamakuruta | tasmāttatsukṛtamucyata iti
yadvai tatsukṛtam| raso vai saḥ| rasaṃ hyevāyaṃ labdhvā''nandī
bhavati| ko hyevānyāt kaḥ prāṇyāt| yadeṣa ākāśa ānando
na syāt| eṣa hyevānandayāti| yadā hyeṣa etasminnadṛśye'nātmye'nirukte'nilayane'bhayaṃ pratiṣṭhāṃ vindate| atha
so'bhayaṃ gato bhavati
yadā hyeṣa etasminnudaramantaraṃ kurute| atha tasya bhayaṃ bhavati
tattveva bhayaṃ viduṣo manvānasya| tadapyeṣa śloko bhavati
iti saptamo'nuvākaḥ