Kaṭha Upaniṣad 1.2.12.p2

Kaṭhaprakāśikā (Raṅgarāmānuja) 1.2.12.p2

Language: Sanskrit

1.2.12.p2

svarge - atyantasukhapradasvargaśabdavācye; loke - śrīvaikuṇṭhaloke, sthitasyeti śeṣaḥ| bhayam - saṃsārādibhayaṃ, kiñcana - kiñcidapi - nāsti ityarthaḥ | kathamiti cet, tatra - tasmin loke, tvaṃ na - tatrasthān bādhituṃ tvamasamarthaḥ ityarthaḥ | kiñca tatratyaḥ puruṣaḥ, jarayā - upalakṣaṇametat - jarādyavasthābhiśca na bibheti kintu aśanāyāpipāse - kṣutpipāse, ubhe tīrtvā - atikramya, śokātigaḥ - atītaduḥkhassan, svargaloke - niratiśayasukhapradaloke, modate - niratiśayānandaṃ prāpnoti ityarthaḥ ||

Previous: 1.2.12.p1
Next: 1.2.12.p3
Up: 1.2.12

Linked texts (1)

Kaṭhopaniṣad — Sanskrit