Kaṭha Upaniṣad 1.2.16.p1

Kaṭhaprakāśikā (Raṅgarāmānuja) 1.2.16.p1

Language: Sanskrit

1.2.16.p1

pra.dī. - tamabravīt iti | mahātmā - praśastamanāḥ, prīyamāṇaḥ prītiviśiṣṭassan mṛtyuḥ taṃ - naciketasam abravīt, tava dhāraṇāsāmarthyavataḥ te iha- loke prasiddhaṃ varaṃ, bhūyaḥ - punaḥ adya dadāmi - pūrvoktādanyam caturthaṃ varaṃ dadāmi, tat kim ? ayam - mayā upadiṣṭaḥ mokṣaprayojanakaḥ, agniḥ tavaiva nāmnā - nāciketaḥ iti nāmnā, bhavitā - prasiddho bhaviṣyati | anekarūpām - anekarūpatvena vicitrarūpām, imām - mayā dattāṃ, sṛṃkām1 - śabdavatīṃ ratnamālāṃ, gṛhāṇa - svīkuru ityarthaḥ ||

Previous: 1.2.16
Next: 1.2.16.p2
Up: 1.2.16

Linked texts (1)

Kaṭhopaniṣad — Sanskrit