Kaṭha Upaniṣad 1.2.20.p4

Kaṭhaprakāśikā (Raṅgarāmānuja) 1.2.20.p4

Language: Sanskrit

1.2.20.p4

nanu etatprakaraṇagatānāṃ svargaśabdānāṃ mokṣaparatve kiṃ pramāṇam ? iti cet ; ucyate | bhagavataiva bhāṣyakṛtā svargyamagnim iti mantraṃ prastutya svargaśabdenātra paramapuruṣārthalakṣaṇa1mokṣo'bhidhīyate; svargalokā amṛtatvaṃ bhajante (ka.u.1-13) iti, tatrasthasya jananamaraṇābhāvaśravaṇāt | triṇāciketastribhiretya sandhiṃ trikarmakṛttarati janmamṛtyū (ka.u.1-17) iti ca1 prativacanāt | tṛtīyavarapraśne naciketasā kṣayiphalānāṃ1 nindiṣyamāṇatayā kṣayiphalavimukhena2 naciketasā kṣayiṣṇusvargaphalasādhanasya prārthyamānatvānupapatteśca, svargaśabdasya prakṛṣṭasukhavacanatayā niravadhikānandarūpamokṣasya svargaśabdavācyatvasambhavāt iti kaṇṭhataḥ tātparyata3śca pratipāditatvāt na śaṃkāvakāśaḥ |

Previous: 1.2.20.p3
Next: 1.2.20.p5
Up: 1.2.20

Linked texts (1)

Kaṭhopaniṣad — Sanskrit