Kaṭha Upaniṣad 1.2.20.p47

Kaṭhaprakāśikā (Raṅgarāmānuja) 1.2.20.p47

Language: Sanskrit

1.2.20.p47

ā.bhā. - he naciketaḥ! svargyaḥ - mokṣasthānabhūtadeśaviśeṣaprayojanakaḥ agniḥ - agnividyā, te - tubhyam , upadiṣṭo mayā iti śeṣaḥ | yamagniṃ dvitīyena vareṇa avṛṇīthāḥ - vṛtavān, tvam iti śeṣaḥ | janāsaḥ - janāḥ ājjaserasuk 1 (pā.sū.7-1-50) iti asugāgamaḥ chāndaso bodhyaḥ | etam - madupadiṣṭam, agniṃ tavaiva - tvatsambandhinameva, pravakṣyanti - vadiṣyanti, arthāt tavaiva nāmnā sambaddhamimaṃ nāciketo'gniḥ ityevaṃ rūpeṇa vyavahariṣyanti lokāḥ | he naciketaḥ | ataḥ paraṃ tṛtīyaṃ varaṃ svābhīpsitaṃ vṛṇīṣva - prārthayasva, yāvattṛtīyaṃ varaṃ na dadāmi tubhyaṃ, tāvat, apūrṇapratijña2 eva ahaṃ syām iti bhāvaḥ ||

Previous: 1.2.20.p46
Next: 1.2.20-2
Up: 1.2.20

Linked texts (1)

Kaṭhopaniṣad — Sanskrit