Kaṭha Upaniṣad 1.2.29.p2

Kaṭhaprakāśikā (Raṅgarāmānuja) 1.2.29.p2

Language: Sanskrit

1.2.29.p2

pra. - ajīryatāmiti | jarāmaraṇaśūnyānāṃ muktānāṃ svarūpaṃ jñātvā | prajānan - vivekī jarāmaraṇopapluto'yaṃ janaḥ tadāsthaḥ - jarāmaraṇādyupaplutāpsaraḥ prabhṛtiviṣayaviṣayakāsthāvān, kva - kathaṃ bhavet? ityarthaḥ | abhidhyāyanniti | tatratyān varṇaratipramodān | varṇāḥ ādityavarṇatvādirūpaviśeṣāḥ, ratipramodāḥ - brahmabhogādijanitānandaviśeṣāḥ, tān sarvān abhidhyāyan - nipuṇatayā nirūpayan| anatidīrghe jīvite ko rameta - atyalpe aihike cirajīvite kaḥ prītimān syāt ityarthaḥ |

Previous: 1.2.29.p1
Next: 1.2.29.p3
Up: 1.2.29

Linked texts (1)

Kaṭhopaniṣad — Sanskrit