Kaṭha Upaniṣad 1.2.8.p3

Kaṭhaprakāśikā (Raṅgarāmānuja) 1.2.8.p3

Language: Sanskrit

1.2.8.p3

pra. - akaraṇe pratyavāyaṃ ca darśayanti sma - āśāpratīkṣe iti | yasya alpamedhasaḥ - alpaprajñasya, puruṣasya gṛhe anaśnan - abhuñjānaḥ, atithirvasati, tasya āśāpratīkṣe - kāmasaṃkalpau | yadvā, anutpannavastuviṣayecchā - āśā; utpannavastuprāptīcchā - pratīkṣā | saṅgatam - satsaṅgamam | sūnṛtām - satyapriyavācam| iṣṭāpūrte - iṣṭaṃ yāgādi, pūrtaṃ khātādi | putrān paśūṃśca, etat anaśanarūpaṃ pāpaṃ vṛṅkte - varjayati - nāśayati ityarthaḥ | vṛji - varjane (dhā.pā.1029) rudhāditvāt śnam | vṛji - varjane (dhā.pā.1029) ityasmāddhātorvā idito num1 | adāditvāt śapo luk ||

Previous: 1.2.8.p2
Next: 1.2.8.p4
Up: 1.2.8

Linked texts (1)

Kaṭhopaniṣad — Sanskrit