Kaṭha Upaniṣad 3.15

Kaṭhaprakāśikā (Raṅgarāmānuja) 3.15

Language: Sanskrit

3.15

su. - atha upasaṃharati - aśabdam iti | yatra bhautikā - śabdādayo na, ata eva yadavyayam - bhūtavat upacayāpacayaśūnyam | anādyanantam - utpādavināśaśūnyam, ata eva nityam | dhruvam svabhāvato'pi sthiram | mahataḥ - jīvātmanaḥ, param - paramātmānam, nicāyya - sākṣātkṛtya, mṛtyumukhāt pramucyate | atra mahacchabdena jīvātmano grahaṇameva samucitam; ātmā mahān paraḥ, ātmani mahati iti jīvātmanoḥ nirdeśāt | prāk devaṃ mattvā (ka.u.2-12), mahāntaṃ vibhumātmānaṃ mattvā (ka.u.4-4) iti sāmānyavāciśabdena prastutaṃ jñānamiha viśeṣavācinā nicāyya ityanena upasaṃhṛtam ||

Previous: 3.14.p8
Next: 3.16
Up: 3

Linked texts (1)

Kaṭhopaniṣad — Sanskrit