Kaṭha Upaniṣad 3.6.p7

Kaṭhaprakāśikā (Raṅgarāmānuja) 3.6.p7

Language: Sanskrit

3.6.p7

yastu - rathī ātmā, vijñānavān - vivekātmakādhyavasāyavān bhavati, sadā - nirantaram, yuktena - pragṛhītena samāhitena iti yāvat, manasā - saṃkalpātmakena, yuktaḥ - sahitaḥ manorūpapragrahavān bhavati, tasya - īdṛśasārathipragrahaviśiṣṭasyātmano rathinaḥ, indriyāṇi vaśyāni - vaśavartīni bhavanti| ato yena saṃsārodadhau na nimajjati | atra dṛṣṭāntaṃ darśayati - sadaśvā iva sāratheḥ nipuṇamateḥ dṛḍhapragrahavataḥ sāratheḥ rathacālakasya, sadaśvāḥ santaḥ vivekena dṛḍhapragrahaniyantritatvena satpathagantāraḥ aśvāḥ yathā vaśe bhavanti, tadvat ityarthaḥ ||

Previous: 3.6.p6
Next: 3.6.p8
Up: 3.6

Linked texts (1)

Kaṭhopaniṣad — Sanskrit