Kaṭha Upaniṣad 3.9.p1

Kaṭhaprakāśikā (Raṅgarāmānuja) 3.9.p1

Language: Sanskrit

3.9.p1

pra.dī. -sāmānyatoktapunarāvṛttirahitasthānaṃ viśeṣato nirūpayati - vijñānasārathiḥ iti | vijñānam - cidacidīśvaratattvatrayavilakṣaṇajñānam, sārathiḥ - ratharūpaśarīranetā yasya saḥ, manaḥ pragrahavān - svādhīnamanorūpadṛḍharajjuḥ, yo naraḥ - purvoktabhagavatprasādayukto naraḥ, saḥ adhvanaḥ - saṃsārakānanādhvanaḥ, paramaṃ pāram - sīmābhūmibhūtaṃ, tat prasiddham, viṣṇoḥ padam - sthānam | yadvā śrīviṣṇoḥ paramaṃ padam - paramapadākhya śrīvaikuṇṭhanagaram, āpnoti - prāpnoti | yathā - pathikaḥ rathena araṇyadurgādikamatikramya nagaraṃ praviśet, tadvat ||

Previous: 3.9
Next: 3.9-2
Up: 3.9

Linked texts (1)

Kaṭhopaniṣad — Sanskrit