Kaṭha Upaniṣad 5.11-2

Kaṭhaprakāśikā (Raṅgarāmānuja) 5.11-2

Language: Sanskrit

5.11-2

nāma, raśmibhireṣo'sminpratiṣṭhita (bṛ.u.7-5-1) iti hi śrūyate | tathā'pi na lipyate cākṣuṣaiḥ bāhyadoṣaiḥ | cakṣuṣā hi doṣāḥ; kācādayaḥ | bāhyāḥ - bahiḥprasaraṇaśīlāḥ | na taiḥ cakṣuṣo'ntaḥ sannihitaḥ sūryaḥ abhibhūyate | yadvā - cākṣuṣā ye doṣāḥ cakṣurmalādayo na taiḥ bāhyaiḥ ādityo lipyate | tathā sarveṣāmantarātmā so'yamekaḥ na lipyate lokaduḥkhena - yato'sau lokato bāhyaḥ - vilakṣaṇaḥ, akarmavaśya ityetat | adhiṣṭheyāt cakṣuṣa atyantavisajātīyaḥ tasyādhiṣṭhātā sūrya yathā cākṣuṣaiḥ doṣaiḥ na lipyate, sarvabhūtāntarātmā sarvasya lokasya antaryāmitayā adhiṣṭhātā antaḥsannihito'pi atyantavisajātīyaḥ na taddoṣaiḥ lipyateti bhāvaḥ ||

5.11-2.p1

dvādaśo mantraḥ

5.11-2.p2

[ sarvāntarātmajñānena śāśvatasukhaprāptiḥ ]

5.11-2.p3

eko vaśī sarvabhūtāntarātmā ekaṃ bījaṃ bahudhā yaḥ karoti |

5.11-2.p4

tamātmasthaṃ ye'nupaśyanti dhīrāḥ teṣāṃ sukhaṃ śāśvataṃ netareṣām ||

5.11-2.p5

pra.dī. - etādṛśaparabrahmajñānavatāṃ sārvakālikaniratiśayasukham bhavati ityāha - eka iti | ekaḥ - sahāyāntararahitaḥ, vaśī - svādhīnasarvaprapañca bhaktavaśyo vā, sarvabhūtāntarātmā - yaḥ paramātmā, bījam - bījarūpeṇa paramātmani sthitam, ekam - tamaḥ pare deva ekī bhavati (su. u.2) iti śrutyuktarītyā avinābhāvatayā ekatvaṃ prāptam, tamaḥ bahudhā mahadahaṃkārabrahmādirūpeṇa, karoti, tam - paramātmānam, ye dhīrāḥ - jñāninaḥ, ātmastham - svātmani sthitam, anupaśyanti - sarvadā paśyanti, teṣām - jñāninām - śāśvata śāntiḥ - sarvekālikī saṃsāraduḥkhaśāntirbhavati, itareṣām - etajjñāśūnyānāṃ, na -sukhaṃ nāsti ityarthaḥ; kintu duḥkhameveti yāvat ||

5.11-2.p6

5.11-2.p7

tamaḥ pare deva ekī bhavati (su.u. -2) iti śrutyuktarītyā svena ekībhūtāvibhāgāvasthaṃ tamolakṣaṇaṃ bījam, mahadādibahuvidhaprapañcarūpeṇa yaḥ karoti, tam, ya ātmani tiṣṭhan (bṛ.u.mā.pā. 3-7-30) ityuktarītyā svāntaryāmiṇaṃ ye paśyanti, teṣāmeva muktirityarthaḥ ||

5.11-2.p8

ā.bhā . - yato'yaṃ na lokaduḥkhasaṃspṛṣṭaḥ tasmāt etadvijñānāt śāśvatasukha- prāptiriti darśayati | so'yaṃ paramātmā saḥ ekaḥ - samābhyadhikadvitīyarahitaḥ, na tatsamaścābhyadhikaśca dṛśyate (śve.u. 6-8) iti śrutiprasiddhaśca asya svasamābhyadhika dvitīyarāhityarūpam ekatvam | vaśī - vaśo vaśībhūtaḥ, svādhīna iti yāvat | samastaḥ prapañco'syāstīti vaśī | yadadhīnaṃ samastaṃ cidacidātmakaṃ jagat tādṛśaḥ ityarthaḥ | tatra hetumāha - sarvabhūtāntarātmā - sarveṣāṃ bhūtānāṃ cidacidrūpāṇām antarātmā, antargataḥsan niyantā ityarthaḥ | sarvāntaryāmitvādeva jagat asya vaśe'stīti bhāvaḥ | ayameva hi sarvasya kāraṇam ityapi darśayitumāha - ekaṃ bījaṃ bahudhā yaḥ karoti | yaḥ - paramātmā, ekam - svena avibhāgadaśāṃ gatam ata ekamityucyate | bījam - kāraṇaṃ pradhānam bahudhā - mahadādi vikārasvarūpeṇa anekaṃ karoti, avibhāgadaśāpannatayā ekībhūtamapi pradhānam yo nānākāreṇa karoti, svasaṃkalpamātreṇa iti bhāvaḥ | tam - paramātmānam | ātmastham - ya ātmani tiṣṭhan (bṛ.u. mā.pā. 3-7-30) ityādiśrutyanusāreṇa jīvāntargatam, ye dhīrā - buddhimantaḥ |

5.11-2.p9

anupaśyanti - śravaṇānantaraṃ sākṣātkurvanti | teṣām - dhīrāṇāmeva, śāśvatam - śaśvadabhavam, sanātanamiti yāvat sukham bhavati - muktiḥ bhavatītyarthaḥ | ye ātmasthaṃ paramātmānaṃ ca sākṣātkurvanti, teṣāṃ sākṣātkāravihīnānāntu, śāśvatasukhaṃ nāstyeva | bāhyaviṣayeṣu āsaktabuddhayaḥ, svātmasthamapi paramātmānaṃ na paśyanti | ataḥ, teṣāṃ kṛte aśāśvatarūpā duḥkhasaṃbhinnā saṃsṛtireva astīti bhāvaḥ ||

Linked texts (1)

Kaṭhopaniṣad — Sanskrit