Kaṭha Upaniṣad 6.1.4.p3

Kaṭhaprakāśikā (Raṅgarāmānuja) 6.1.4.p3

Language: Sanskrit

6.1.4.p3

dehasya, visrasaḥ - patanāt, prāk - pūrvameva, jīvanakāla eva ityetat | brahma boddhum - jñātum,sākṣātkartum ityetat, aśakat - aśaknot,3 cet yadi, tadā saṃsārāt mukto bhavati | aśakat ityatra chāndasaḥ śap | bhāvyantu śnuḥ iti bodhyam4 | na cet brahma boddhumaśakat, tataḥ - tasmādajñānādeva hetoḥ, sargeṣu - prāṇisarjanādhāreṣu, lokeṣu - pṛthivyādiṣu, śarīratvāya - śarīrabhāvāya, narapaśupakṣiprabhṛti- śarīragrahaṇāya, kalpate tadyogyo bhavati | tasmāt śarīrapātātpūrvameva paramātmajñānāya yateta anyathā janmajarāmaraṇādirūpaḥ saṃsārosvaśyaṃbhāvī iti bhāvaḥ ||

Previous: 6.1.4.p2
Next: 6.1.4.p4
Up: 6.1.4

Linked texts (1)

Kaṭhopaniṣad — Sanskrit