Kaṭha Upaniṣad 6.1.p11

Kaṭhaprakāśikā (Raṅgarāmānuja) 6.1.p11

Language: Sanskrit

6.1.p11

pra. - ūrdhvamūlo avākśākha eṣo'śvatthaḥ sanātanaḥ | ayaṃ ca mantrakhaṇḍaḥ, ūrdhvamūlam adhaśśākham iti gītāvyākhyānāvasare bhagavatā bhāṣyakṛtā vyākhyātaḥ | itthaṃ hi tatra bhāṣyam - yaṃ saṃsārākhyam aśvattham ūrdhvamūlam adhaśśākham avyayaṃ aśvatthaṃ prāhuḥ śrutayaḥ - ūrdhvamūlo avākśākha eṣo'śvatthaḥ sanātanaḥ (ka.u.6-1), ūrdhvamūlamavākśākhaṃ vṛkṣaṃ yo veda samprati (yaju.ā-1-11-5) ityādyāḥ| saptalokopariniviṣṭa caturmukhāditvena tasya ūrdhvamūlatvam | pṛthivīnivāsi sakalanarapaśumṛgakrimikīṭapataṅgasthāvarāntatayā adhaśśākhatvam (gī.bhā.15-1) iti | tadvilakṣaṇameva1 brahmeti darśayati - tadeva śukraṃ iti pūrvameva vyākṛto'yaṃ mantraḥ ||

Previous: 6.1.p10
Next: 6.1.p12
Up: 6.1

Linked texts (1)

Kaṭhopaniṣad — Sanskrit