Katha Upanishad 2.4

Commentary of Śaṅkarācārya of Śaṅkarācārya 2.4

Language: Sanskrit

2.4

'tayoḥ śreya ādadānasya sādhu bhavati hīyate'rthādya u preyo vṛṇīte' iti hyuktam ; tatkasmāt ? yataḥ dūraṃ dūreṇa mahatāntareṇa ete viparīte anyonyavyāvṛttarūpe vivekāvivekātmakatvāt tamaḥprakāśāviva viṣūcī viṣūcyau nānāgatī bhinnaphale saṃsāramokṣahetutvenetyetat | ke te iti, ucyate | yā ca avidyā preyoviṣayā vidyeti ca śreyoviṣayā jñātā nirjñātā avagatā paṇḍitaiḥ | tatra vidyābhīpsinaṃ vidyārthinaṃ naciketasaṃ tvāmahaṃ manye | kasmāt ? yasmādavidvadbuddhipralobhinaḥ kāmāḥ apsaraḥprabhṛtayaḥ bahavo'pi tvā tvāṃ na alolupanta na vicchedaṃ kṛtavantaḥ śreyomārgādātmopabhogābhivāñchāsaṃpādanena | ato vidyārthinaṃ śreyobhājanaṃ manye ityabhiprāyaḥ ||

Previous: 2.3
Next: 2.5
Up: 2

Linked texts (1)

Kaṭhopaniṣad — Sanskrit