Kaṭha Upaniṣad 5.7

Commentary of Śaṅkarācārya of Śaṅkarācārya 5.7

Language: Sanskrit

5.7

yoniṃ yonidvāraṃ śukrabījasamanvitāḥ santaḥ anye kecidvidyāvanto mūḍhāḥ prapadyante śarīratvāya śarīragrahaṇārthaṃ dehinaḥ dehavantaḥ yoniṃ praviśantītyarthaḥ | sthāṇuṃ vṛkṣādisthāvarabhāvam anye atyantādhamā maraṇaṃ prāpya anusaṃyanti anugacchanti | yathākarma yadyasya karma tadyathākarma yairyyādṛśaṃ karma iha janmani kṛtaṃ tadvaśenetyetat | tathā yathāśrutaṃ yādṛśaṃ ca vijñānamupārjitaṃ tadanurūpameva śarīraṃ pratipadyanta ityarthaḥ; 'yathāprajñaṃ hi saṃbhavāḥ' iti śrutyantarāt ||

Previous: 5.6
Next: 5.8
Up: 5

Linked texts (1)

Kaṭhopaniṣad — Sanskrit