Kauṣītaki Upaniṣad 3.7-2

Kauṣītakyupaniṣadbhāṣya (Raṅgarāmānuja) 3.7-2

Language: Sanskrit

3.7-2

pra. - tatra hetumāha - indrasya satyapradhānatvādityarthaḥ | tataśca varaṃ dadānīti maduktaṃ vākyamasatyaṃ mā bhūdityamanyatetyarthaḥ | kecittu - satyā devateyāya satyaṃ hīndra iti pāṭhe taṃ hendra uvāceti śeṣaḥ | vācanaprakāramevāha - satyā devateyāya satyaṃ hīndra iti | satyā devatā satyavākyā paramātmarūpā devatā tvāmiyāya tvāmāviṣṭavatī | satyavākyaparamātmāveśavaśāddhi tvameva varaṃ vṛṇīṣva iti vākyaṃ saṃprayuktavān iti bhāvaḥ | paramātmanaḥ satyavākyatvaprasiddhiṃ darśayati satyaṃ hīndra iti | indra ḥ - paramātmetyarthaḥ - iti vadanti ||

Previous: 3.7
Next: 3.8
Up: 3

Linked texts (1)

Kauṣītakibrāhmaṇopaniṣad — Sanskrit