Pramāṇa · Search · About · API

Kena Upanishad 2.5.p2

Kenaprakāśikā (Raṅgarāmānuja) 2.5.p2

Language
Sanskrit

2.5.p2

pra.dī.- etādṛśabrahmavijñāne tvarā kartavyā ityāha - iha cedavedīt iti | iha - asminjanmani; brahma, avedīccet - jñātavām̐ścet atha etajjanmānantarameva asti - sambhavati; brahmalokasthitiḥ sambhavati, satyam | iha -asminjanmani nāvedīccet - brahma na jñātavām̐ścet mahatī vinaṣṭiḥ - mahān ātmavināśo1 bhavati | atha, dhīrāḥ - vidvāṃsaḥ bhūteṣu bhūteṣu - sarvabhūteṣu vidyamānaṃ paramātmānaṃ vicintya2 - svetarasamastavastuvilakṣaṇam iti vicintya - dhyātvā, asmāllokāt - etallokāt pretya arcirādimārgeṇa paramātmānaṃ pretya - prāpya ityarthaḥ | amṛtāḥ bhavanti - muktā bhavanti ityarthaḥ |

Linked texts (1)