Mahaitareya 5.p8
Mahaitareya 5.p8
- Language
- Sanskrit
5.p8
tava vayaṃ smastvamasmākamasīti tadapyetadṛṣiṇoktaṃ tvamasmākaṃ tava smasīti || udāsīnavadāstāṃ tau keśavaścābjasambhavaḥ || teṣāṃ balaparīkṣārthaṃ vāyvādīnāṃ ca sarvaśaḥ | punaste prāviśan sarve vahnisūryau śaśī śivaḥ || notthānamabhavat teṣu praviṣṭeṣvapi sarvaśaḥ | vāyau praviṣṭe tūtthānaṃ kāyasyā'sīt tadaiva ca || uccaiḥ sthitatvāduttho'bhūd vāyureva tataḥ prabhuḥ | uccatvaṃ ca guṇādhikyaṃ tvamucco'sīti te'bruvan || bhṛtyā vayaṃ tavaiva smastvamasmākaṃ patiḥ sadā | spardhāmahe tvadbalena tvayā nānyena kenacit || ityūcurvīndraśeṣeśaśakracandrādikāḥ pṛthak | vāyuḥ sa saṃstutastaiśca prasanno'bhūd divaukasām