Maitrayaniya Upanishad 5.p1

5.p1

atha pañcamaḥ prapāṭhakaḥ | tadevaṃ sasādhanāṃ brahmavidyāmupadiśyedānīmuktavakṣyamāṇasarvvāpāsanāṅgabhūtānnamaskāramantrānāha “atha yatheyaṃ 0 stutiḥ” iti | kutsāyanena dṛṣṭā kautsāyanī iyaṃ vakṣyamāṇā stutiḥ | stutirūpo mantragaṇa ārabhyate | athaśabda ārambhārthaḥ | yathopalabdhā tathārabhyata ityarthaḥ | “tvaṃ brahmā 0 nidhanāya ca” iti | brahmā hiraṇyagarbhaḥ prajāpatirvirāṭ | adyate upajīvyate sarvvairiti vā atti sarvaṃ svātmanyupasaṃharatīti vā annaṃ, annavadācaratītyannaḥ | tathāca śrutyantaraṃ [ ‘adyate'tti ca bhūtāni | tasmādannaṃ taducyate’ ] iti (taitti0 u0 ) | viśvaṃ carācaram | atha ca sarvvātmakatve'pi tvamacyuto'pracyutanijasvabhāvaḥ kūṭastha evetyarthaḥ | svārthaḥ puruṣārtho dharmmādicatuṣṭayarūpaḥ svābhāvikaḥ prākṛtikaḥ svasvaprakṛtyanusāryarthastayorubhayornimittaṃ lokasya tvayi brahmaṇyīśvare bahudhā saṃsthitirnānāmārgeṇa tvanniṣṭhatā bhavatītyarthaḥ | athavā svārthe svābhāvike'rthe ca lokasya yā saṃsthitiḥ pravṛttyādiniṣṭhā sā tvayyāyatte-