Muṇḍaka Upaniṣad 2.2.8.p1

Muṇḍakaprakāśikā (Raṅgarāmānuja) 2.2.8.p1

Language: Sanskrit

2.2.8.p1

pra.dī. - dhīrāḥ antaryāmiṇaṃ paripaśyanti ityāha - manomayaḥ prāṇaśarīranetā iti | manomayaḥ - pariśuddhamanobhirgrāhyaḥ prāṇaśarīranetā prāṇaśca śarīraṃ ca prāṇaśarīraṃ tasya netā | yadvā prāṇaḥ śarīraṃ yasya prāṇaśarīraḥ netā prabhuḥ sa cāsau anne pratiṣṭhitaḥ - annapariṇāmabhūtadehasthitaḥ antaryāmitayā paramātmā sthita ityarthaḥ | tasmin hṛdayam - cittaṃ sannidhāya - ānandarūpaṃ amṛtam - amṛtavadbhogyaṃ yatparaṃbrahma vibhāti tat - paraṃbrahma dhīrāḥ - dhiyā ramanti iti dhīrāḥ prajñāśālinaḥ vijñānena - vijñānaśabditadarśanasamānākārajñānena paripaśyanti - sākṣātkurvanti ||

Previous: 2.2.8
Next: 2.2.8.p2
Up: 2.2.8

Linked texts (1)

Muṇḍakopaniṣad — Sanskrit