Upanishads 273.7

Upaniṣads 273.7

Language: Sanskrit

273.7

yajūdaraḥ sāmaśirā āsāvṛṅmūrtiranvayaḥ | sa brahmeti hi vijñeya ṛṣibrahmamayo mahāniti || tamāha kena pauṃstāni nāmānyānpnotīti prāṇeneti
brūyātkena strīnāmānīti vāceti kena napuṃsakanāmānīti
manaseti kena gandhāniti ghrāṇeneti brūyātkena rūpāṇīti
cakṣuṣeti kena śabdāniti śrotreṇeti kenānnarasāniti
jihvayeti kena karmāṇīti hastābhyāmiti kena sukhaduḥkhe
iti śarīreṇeti kenānandaṃ ratiṃ prajātimityupastheneti
kenetyā iti pādābhyāmiti kena dhiyo vijñātavyaṃ kāmāniti prajñayeti prabrūyāttamāhāpo vai khalu me hyasāvayaṃ te
loka iti sā yā brahmaṇi citiyāṃ vyaṣṭistāṃ citiṃ jayati tāṃ vyāṣṭiṃ vyaśnute ya evaṃ veda ya evaṃ veda

Previous: 273.6
Next: 274.1
Up: 273

Linked texts (6)

Śāṅkhāyanāraṇyaka — Sanskrit
Aṣṭāviṃśatyupaniṣad — Sanskrit
Upaniṣatsaṃgraha — Sanskrit
Kaiṣītaki ? — Sanskrit
Kauṣītakopaniṣad — Sanskrit
Śāṅkhāyanīyopaniṣad — Sanskrit