Upanishads 31.1
Upaniṣads 31.1
- Language
- Sanskrit
31.1
oṃ saha nāvavatu || saha nau bhunaktu || saha vīryaṃ karavāvahai || tejasvināvadhītamastu mā vidviṣāvahai || oṃ śāntiḥ
śāntiḥ śāntiḥ
oṃ brahmavidāpnoti param || tadeṣā'bhyuktā || satyaṃ
jñānamanantaṃ brahma || yo veda nihitaṃ guhāyāṃ parame
vyoman || so'śnute sarvān kāmān saha || brahmaṇā vipaściteti || tasmādvā etasmādātmana ākāśaḥ saṃbhūtaḥ
ākāśādvāyuḥ || vāyoragniḥ || agnerāpaḥ || adbhyaḥ
pṛthivī || pṛthivyā oṣadhayaḥ || oṣadhībhyo'nnam
annātpuruṣaḥ || sa vā eṣa puruṣo'nnarasamayaḥ || tasyedameva śiraḥ || ayaṃ dakṣiṇaḥ pakṣaḥ || ayamuttaraḥ pakṣaḥ
ayamātmā || idaṃ pucchaṃ pratiṣṭhā || tadapyeṣa śloko
bhavati || iti prathamo'nuvākaḥ