Upanishads 31.5
Upaniṣads 31.5
- Language
- Sanskrit
31.5
vijñānaṃ yajñaṃ tanute || karmāṇi tanute'pi ca || vijñānaṃ
devāḥ sarve || brahma jyeṣṭhamupāsate || vijñānaṃ brahma cedveda
tasmāccenna pramādyati || śarīre pāpmano hitvā || sarvānkāmānsamaśnuta iti || tasyaiṣa eva śārīra ātmā
yaḥ pūrvasya || tasmādvā etasmādvijñānamayāt || anyo'ntara
ātmānandamayaḥ || tenaiṣa pūrṇaḥ || sa vā eṣa puruṣavidha
eva || tasya puruṣavidhatām || anvayaṃ puruṣavidhaḥ || tasya
priyameva śiraḥ || modo dakṣiṇaḥ pakṣaḥ || pramoda uttaraḥ
pakṣaḥ || ānanda ātmā || brahma pucchaṃ pratiṣṭhā || tadapyeṣa
śloko bhavati || iti pañcamo'nuvākaḥ