Upanishatsamgraha 8.2

8.2

sa hovāca ye vai kecāsmāllokātprayanti candramasameva te sarve gacchanti
teṣāṃ prāṇaiḥ pūrvapakṣa āpyāyate tānaparapakṣe na prajanayati
etadvai svargasya lokasya dvāraṃ yaścandramastaṃ yaḥ pratyāha tamatisṛjate'tha ya enaṃ na pratyāha tamiha vṛṣṭirbhūtvā varṣati
sa iha kīṭo vā pataṅgo vā śakunirvā śārdūlo vā siṃho vā
matsyo vā paraśvā vā puruṣo vā'nyo vaiteṣu sthāneṣu pratyājāyate
yathākarma yathāvidyam
tamapagataṃ pṛcchati ko'sīti taṃ pratibrūyādvicakṣaṇādṛtavo reta
ābhṛtaṃ pañcadaśātprasūtātpitryavatastanmā puṃsi kartaryareradhvam
resā kas ...carimā niṣikta sa jāya upajāyamāno
dvādaśatrayodaśa upamāso dvādaśatrayodaśena pitrā''saṃ
tanvi prativide'haṃ tanma ṛtavo amartyava ābharadhvam
tena satyena tena tapasā ṛturasmyārtavo'smi
ko'smi tvamasmīti tamatisṛjate