Ashvalayanagrihyasutra 3.3.2

3.3.2

itthaṃ cānyaśāstre dṛṣṭaṃ | pūrṇapātranidhānāntaraṃ tatrasthe pavitre gṛhītvājyasthālyāṃ nidhāyājyamabhinyodagaṅgārānapohya teṣvadhiśrityājyamavajvalayet | dve darbhāgre pracchidya prakṣālyājye pratyasya punarjvalratā tenaivolmukena triḥ pariharet yenāvajvalanaṃ kṛtaṃ | tataḥ śanaiḥ udagudvāsyāṅgārānatisṛjya tatrasthamevājyamutpūya pavitre tvadbhiḥ prokṣya gnau vinihnipediti | ācāryyasyotpavanaṃ nityam | anyatpākṣikaṃ | pūrvavadityākūtaṃ srukusruvasaṃmārjanamapyanyaśāstre dṛṣṭaṃ | tasyāpīcchātaḥ kriyā | anayoḥ sammārga ucyate | dakṣiṇena hastenobhau gṛhītvā savyena kāṃściddarbhānādāya sahaivāgnau pratāpya juhūṃ nidhāya dakṣiṇena pāṇinā sruvasya bilaṃ darbhāgrairbilādārabhya prāgapavargaṃ triḥ saṃmṛjyādhastādagraistaivāgramabhyātmantriḥ saṃmārṭi | tato darbhāṇāṃ mūlena daṇḍasyādhastāt bilapṛṣṭhādārabhya yāvadupariṣṭādvilaṃ tāvattriḥ saṃmārṭi | athā'dbhiḥ prokṣya sruvaṃ niṣṭhapyājyasthālyāṃ nidhāyodaksṛṣṭaireva darbhairjuhūṃ caivameva saṃmārṣṭi | tato darbhānadbhiḥ prakṣālyāgnāvapraharet | evaṃ saṃmārgaḥ | sviṣṭakṛdante cedhmasannahanānāmagnau prāsanaṃ dṛṣṭam | anyadapi yadasmacchāstrā'viruddhaṃ paraśāstre dṛṣṭantadapīcchātaḥ kāryamiti jñāpayituṃ prāgutpunātoti punarāhārapratiṣedhaḥ kṛtaḥ | kiñca utpunāti trirityeva vācyaṃ lāghavārthaṃ | tathā sati sarvatraiva karmāvṛttāvityanena sakṛnmantreṇa dvistūṣṇīṃ iti siddhyati | evaṃ siddhe idaṃ vacanaṃ gṛhye karmāvṛttau mantrāvṛttirbhaviṣyatītyevamarthaṃ | pūrvayogaḥ kimarthaḥ | asyādhikārārtha iti cet |