Ashvalayanagrihyasutra 3.3.3

3.3.3

tarhi prāgutpunātyājyamityacaiva vācyam | atha pavitrasaṃjñārthaḥ tarhi kuśau pavitre dūtyatraiva vācyam | ucyate | pūrveṇāmantrakamutpavanaṃ vidhīyate | anena tu samantrakaṃ | tatra vaitānike amantrakaṃ gṛhye karmaṇi samantrakamityevaṃ viniveśaḥ | tasminnarthe eṣā yajñagāthā'bhigīyate paṭhyate | bahūn pākayajñānekasmin kāle samāsādya prāpya ekājyānekabarhiṣaḥ ekasviṣṭakṛtaḥ kuryānnānāpi sati daivate | na pratidaivataṃ tantramāvartayitavyamityarthaḥ | iti prathame tṛtīyā kaṇḍikā | 0 || teṣāṃgrahaṇaṃ kimarthaṃ | vivāhasyānantaratvāt sarveṣāṃ prāptyarthamiti cet | tanna darśanāt | sarveṣāṃ syuḥ yadayaṃ vivāhe caturthīmityāha | ucyate | teṣāṃ sambandhinyaḥ antarvartinyaḥ etā āhutayo bhavanti natu tebhyaḥ pūrvaṃ bhavantītyevamarthaṃ teṣāṃgrahaṇaṃ | tarhi purastād-grahaṇamapārthakaṃ | na | prayojanamupariṣṭādvakṣyāmaḥ | saṅkhyāvacanaṃ kimarthaṃ | tatreke bruvate | yatra parimāṇavacanaṃ pratyṛcagrahaṇaṃ vā