Kathakagrihyasutra 15.7

Commentary of Devapāla 15.7

Language: Sanskrit

15.7

nāmāni bhavāya śarvāyetyādīni | nāma nāma pratināma, dravyaṃ vapāvadānādi, dravyaṃ dravyaṃ pratidravyam | anuvākāḥ ṣaṭ rudrābhidhānāḥ pūrvavyākhyātāḥ ‘namaste rudra manyave’ ityādyāḥ | anuvākaṃ anuvākaṃ pratyanuvākam| itiśabdo'dhikaraṇapradhānaḥ| iha yadvapāvadānādikaṃ karma pradhānaṃ, tatpratidravyaṃ kriyamāṇaṃ pratināma pratyanuvākaṃ ca kartavyam | tathā ṣaḍbhiranuvākairyathāsaṃkhyamekaikena bhavādināmaśabdena yuktairviparyayāḥ ṣaṭ homāḥ| hṛdayādibhya ekaikasmāddvirdviravadāya samudāyaṃ kṛtvaiva deyāḥ ṣaḍupahārāḥ |

Previous: 15.6
Next: 15.8
Up: 15

Linked texts (1)

Kāṭhakagṛhyasūtra — Laugākṣi, Sanskrit