Kathakagrihyasutra 21.1

21.1

prāyeṇa varṣāsu kapotāḥ prodbhavantīti śrāvaṇīprasaṅgena kapota nilayaśāntiruditā | yūtiḥ saṃghastatpratiṣedhenāyūtiḥ saṃghaviyogo'bhipretaḥ | ayūto bhava āyūtikaḥ | sadā yaḥ saṃghacārī kapotaḥ, sa daivācchyenādinā vā āgūrya viyojito bhīto yadā gṛhaṃ praviśati, tadeyaṃ śāntirucyate, natu kevalacāriṇi dṛṣṭe nirbhaye gṛhadevakulādinivāsini grāmakapote tādṛśe | āyūtikaṃ kapotaṃ gṛhasaṃbaddhaṃ bhayārtaṃ dṛṣṭvā gṛhapatiḥ sthālīpākasya juhuyāt 'devāḥ kapota' ityādibhiraṣṭābhirṛgbhiḥ | yadāpi svarūpeṇa kapotaṃ na paśyati, kiṃ tarhi, gṛhābhyantare bhasmani saktuṣu vā kapotacaraṇapratibimbamavalokayati, tadāpi juhuyāt | yamadūto hi kapotaḥ taṃ pratyakṣeṇānumānena vā kṛtasannidhānaṃ gṛhe buddhvā mahato'riṣṭasya śāntaye svastyayanaṃ kuryāt | kacidāyūthikaḥ suspaṣṭaḥ |