Kathakagrihyasutra 21.8
Commentary of Devapāla 21.8
- Language
- Sanskrit
21.8
agnirṛṣiḥ sarvasya jñātā | pavamānaḥ sarvasya pavatrīkāreṇa | pañcajanyaḥ pañcabhyo janebhyo hitaḥ, pañca janāḥ prāṇādayo vāyavaḥ, athavā catvāro varṇāḥ, anulomapratilomajavarṇaśca pañcamaḥ | purohitaḥ puro'gre paraloke hitaḥ | tamagniṃ vayamīmahe yācayāmahe kapotabhayāpanuttim | mahāgayaṃ vṛhadgṛham | lokatrayaṃ hi vahergṛham |
agniṃ parihṛtavantaḥ vahniṃ pari samantādvihṛtavantaḥ, athavā bubhukṣitamagniṃ pūjayā parihṛtavantaḥ tṛptaṃ santaṃ parāṅmukhīkṛtavantaḥ | suṣṭhu tṛpto hi bhojanaparāṅmukho bhavati | yato deveṣvakṛta śravaḥ, śravo'nnaṃ haviḥ deveṣvakṛta ābhimukhyena dattavantaḥ || iti kapotanilayaśāntiḥ ||