Kathakagrihyasutra 6.14

Commentary of Devapāla 6.14

Language: Sanskrit

6.14

udakena pūrṇe pātre'śmānaṃ hiraṇyaṃ sarvabījāni vā ācārānnidhāyānantaramenān jñātyādīn saṃsparśayanti, svayaṃ ca spṛśanti ‘aśmanvatī rīyate’ iti triṣṭubhā ||
iyamaśmanvatī rīyate ‘līṅ śleṣaṇe’ aśmādiyuktā jalamūrtiḥ, ato he sakhāyo jñātyādaya uttiṣṭhata, saṃrabhadhvaṃ sasaṃrambhāḥ sodyamā bhavata, pracarata japahomayāgādīni karmāṇi kuruta | jalasparśapavitritatanavaḥ santaḥ atrājahāma ye asannaśevāḥ ye'vidyamānānnāḥ, tānvayamājahāma tyajāmaḥ, śivān vayamuttaremābhivājān, abhivājān abhimukhānnāna abhimukhāneva mārgān vayaṃ śivatvāduttarema gacchema prāpnuyāma |

Previous: 6.13
Next: 7.1
Up: 6

Linked texts (1)

Kāṭhakagṛhyasūtra — Laugākṣi, Sanskrit