Kathakagrihyasutra 8.5
Commentary of Devapāla 8.5
- Language
- Sanskrit
8.5
sruksruvau pratitapya samunmṛjya sruci caturgṛhītaṃ gṛhītvā''dhārasamidhāvādāya caramabhighāryodagdarbheṣūdvāsyābhighāryopayāmapāṇiḥ prajāpataye svāhetyuttarārdhe'gneḥ saṃtataṃ dīrghaṃ prāñcaṃ prajvālitāyāṃ samidhyāghārayati |
prajāpataye manasā ātmane suhutamastu sruveṇa |
devānāmārṣam | ayamāghārākhyo yajño yajñapateḥ sambandhī ūrdhva utpannaḥ | adhvaro 'dhvṛ hrūrcchane, hrūrcchā kauṭilye' akuṭilaḥ | divaspṛk svargasparśī svargaprada ityarthaḥ | ahutaḥ 'hvṛ kauṭilye' akuṭilaḥ | punarvacanamatistutyartham | indravān indradaivatatvāt, ata eva mantravarṇāt indro dakṣiṇāghāre devatā | bṛhadbhātīti bṛhadbhāḥ, atiśayena prakāśamānaḥ santatājyasrāvaṇenāgnerdīpyamānatayā ||