Kathakagrihyasutra 21.5
Kāṭhakagṛhyasūtrabhāṣya 21.5
- Language
- Sanskrit
21.5
yajñārthā vediḥ prasiddhā| sītā halotkhātā bhūmiḥ| aśoṣyaḥ padmādyākaro jalāśayo hradaḥ| goṣṭhaṃ gavāśrayo gokulādiḥ| ādīvyantyasminnādevanaṃ kitavasthānam| ādahyante'sminnityādahanaṃ śmaśānam| svastikākāreṇa sambadhyamānaṃ mārgadvayaṃ catuṣpathaḥ|
iriṇam ūṣarapradeśaḥ| etebhyaḥ pratyekaikaṃ piṇḍaṃ gṛhṇīyāt| sambhāryaṃ ca navamam, aṣṭabhyo'pi vedyādibhyo leśaṃ leśaṃ mṛdaḥ sambhṛtya, navamaṃ kuryādityarthaḥ| vedyādibhya uddhṛtānāṃ piṇḍānāmanumantraṇe mantramāha, ‘ṛtameve’ti| itiśabdaḥ sarvapratīkārthaḥ| parameṣṭhī prajāpatiḥ| ṛtaṃ satyaṃ nātyeti nātivartate kimapi| ataḥ so'tra sannihito bhūtvā satyaṃ dyotayatu| iyamapi vedyādirūpā pṛthivī ṛte āśritā| asāvityukte nāma pratīyāt| kanyā ucyate asau śobhāhatyādisaṃjñitā| iyaṃ pratyakṣatvena vartamānatvāt| idaṃ bhūyaḥ satyaprakāśayoḥ|
Linked texts (1)
- Kāṭhakagṛhyasūtra — Laugākṣi, Sanskrit