Kathakagrihyasutra 33.10

Kāṭhakagṛhyasūtrabhāṣya 33.10

Language: Sanskrit

33.10

athaśabdo maṅgalārtha iti māṭharaḥ, antarāle'kṣatasaktuhomadyotanāyāthaśabda ityādityadarśanaḥ| avaśyaṃ hi uktayuktyā te homāntarālādāvapi hotavyā ityatraivāvasare na kṣatiriti| homān krameṇāha agnaye ityādi| ‘pūrvaṃ devaiḥ striyo bhuktāḥ somagandharvavahnibhiḥ|' iti śrūyate| tena niṣkrayāya teṣāṃ homaḥ| yadyapi ca somaḥ prathamastathāpyagrato homo'gnāgraye 'yena karmaṇecchedagnimukhaṃ kuryāt' ityabhiprāyeṇa| agnaye svāhā suhutamastu| kīdṛśāya| janivide janī vadhūḥ janīṃ vetti vindate vā janivit tasmai| evamanyat|

Previous: 33.9
Next: 33.11
Up: 33

Linked texts (1)

Kāṭhakagṛhyasūtra — Laugākṣi, Sanskrit