Kathakagrihyasutra 34.8

Kāṭhakagṛhyasūtrabhāṣya 34.8

Language: Sanskrit

34.8

sa vyānarūpo hiraṇyagarbhaḥ prajāpatirno'smākaṃ prajāmājanayatu, dhātā vidhātā ca bhūtvā garbhaṃ dadhātu naḥ sumanasyamānaḥ prasannacittaḥ| saṃvatsararūpaḥ san ṛtubhiścākḷpāno vivartamānaḥ ārtavaiḥ padārthairvipariṇamamānaḥ | cākḷpāna iti liṭaḥ kānac | upalakṣaṇametatprathamavivartasya | jalasya hiraṇyagarbho vivartaḥ, tasyoṅkārastasya vedā ityādirūpeṇa sa eva vivartate | sa hiraṇyagarbho yataḥ puṣṭipatistato'smākaṃ puṣṭimādadhātu | mahāvyāhṛtayo vyākhyātāḥ |

Previous: 34.7
Next: 34.9
Up: 34

Linked texts (1)

Kāṭhakagṛhyasūtra — Laugākṣi, Sanskrit