Kathakagrihyasutra 55.16

Kāṭhakagṛhyasūtrabhāṣya 55.16

Language: Sanskrit

55.16

mauñjīṃ saptamuñjanirmitām| trivṛtaṃ triguṇaveṣṭitām| trivṛdvajraḥ| trivṛnnavakam| tatra trivṛtā yūpaṃ paricīyādityādau rajjau trivṛcchabdaḥ| trivṛtstoma ityādau trivṛcchabdo navake| ihāpi rajjau triguṇāyāṃ trivṛcchabdaḥ, tathā sadācārāt tena bhrāntyā kecinnavaguṇāṃ mekhalāṃ vyācakṣate | murvo nāma tṛṇaviśeṣastasya vikāro maurvī, tāṃ dhanurjyāṃ dhanuṣaḥ prasāryaṃ guṇaṃ rājanyāya prayacchati | sautrīṃ vaiśyāya, sāmānyābhidhāne'pi smṛtyanusāreṇa karpāsasūtramayīm | ādau prayacchati, tata ābadhnīyāditi kramo boddhavyaḥ |

Previous: 55.14
Next: 55.17
Up: 55

Linked texts (1)

Kāṭhakagṛhyasūtra — Laugākṣi, Sanskrit